Зөбәер Мифтаховның төрле фикерләре Татарча текстлар

ЗӨБӘЕР МИФТАХОВның ТӨРЛЕ ФИКЕРЛӘРЕ

I Милли хәрәкәт=> I Дин=> I Татар теле, мәдәнияте I Белем I Татарча программалар, сайтлар һ.б.=> I Төрлеләр=> I

Соңгы яңарту – 12.09.2012

МИЛЛИ ХӘРӘКӘТ...

I Суверенлык I Татарлыктан "динчелек"кә I Милләткә корткычлык I "Аңлашып эшләү" I Яшьләр I Һәм башка... I



Милли хәрәкәтне яңадан тергезергә теләүчеләр булса –

– беренче эш итеп "милләтне диннән аерсыннар" – дингә каршы да, кайсыдыр дингә чукындыручы да булмасыннар (милли хәрәкәт эчендә чакта)... Максатчан төстә үз араларына ачыктан-ачык дин тотмаучыларны, атеистларны, керәшеннәрне һ.б.ш.ларны да кертсеннәр, идарәгә үк... Дини чаралар белән "миллилек" җәһәтеннән генә кызыксынсыннар (татарча үткәрелүе белән) (һәм керәшен чиркәвен дә онытмасыннар)... Милли хәрәкәтне дини-фанатик юнәлешкә өстерәүчеләрне, аны бандитларга "түбә" иттерүчеләрне үз араларыннан кусыннар!.. "Империя җимерү" кебек малайлык-геройлыклар белән түгел – милли аң, милли мәдәният, милли мәгариф һ.б.ш.лар белән шөгыльләнсеннәр!


09.2012. Индус Таһировның "Россия таркалачак" дип акыл сатуына карата:

Бүген "Россия таркалачак" дип акыл сатып утыру – ул "Кояш сүнәчәк" дип утыру сыман – сүнәчәктер берзаман, әйе, көтеп утырыйк, Казан шәкертләре "Кабан күле кибәчәк" дип көткән шикелле!..

...Әмма алай зыянсыз гына да түгел шул, – "милли хәрәкәт" идеологлары (чынлыкта провокаторлары), шуннан чыгып: "Россия таркалмый торып милли-мәдәни эшләр белән шөгыльләнүдән файда юк", – дигән үтә корткыч тезис уйлап чыгардылар... Иң зур "ирешкән уңышлары" да шул юнәлештә булды – милләт өчен кыл да кыймылдатмыйлар!.. Индус агалары кушканча, башта Россия беткәнне көтәләр...


08.2012. Татар милләтен бетерү политикасы турында:

Россия дәүләтенең иң курыкканы – чынлыкта милләтләр, татар милләте, һәм ул барыннан элек шуны бастыру чаралары күрә... Татарстанның һәртөрле "хокук саклау органнары" да шуңа күрә "йомшак эшлиләр"... Чөнки алар милләткә каршы көрәштә иң нәтиҗәле "корал" итеп Ислам динен сайладылар, һәм шуны актив рәвештә алга үстерәләр – үзләре, аңлы рәвештә!..

...Әйтик, 2004 елда дини фанатиклар лидеры Фәүзия Бәйрәмова башлангычы белән "Татар Милли Мәҗлесе" Татарстанда бердәнбер "легитим власть" дип игълан ителде, халыкка шуңа гына буйсынырга "әмер" таратылды... Закон буенча бу "дәүләт властен көч кулланып юк итүгә өндәү"гә туры килә, аның өчен "вышка" каралган, ә властьлар нишләделәр? – "ММ Законы"нда ниндидер бер "уңайсыз" сүз тапкан булып, фәкать шуңа бәйләнеп, Ф.Бәйрәмовага нибары ярты ел "шартлы хөкем" бирделәр... Төкерде генә ул андый "шартларга"!.. – Чынлыкта исә аңа "үз эшен" иркенләп дәвам итәргә юл куйдылар!..

...Шул ук бер вакытта Дамир Шәйхетдиновның "Безнең юл" гәзитен яптырдылар, шул ММ карарын бастырган өчен... – Ул гәзит "тәңречеләр" гәзите иде, мөселманлыкка каршы пропагандага бик керешеп киткән иде – аны Ф.Бәйрәмованың күрсәтмәсе буенча да бик яптырырга мөмкиннәр иде!.. (Нәкъ шулай икәненә миндә пичәтле дәлилләр генә юк...)

...Шул ук вакытта АКШта, ММ әмере белән, "Сөргендәге татар хөкүмәте" төзелде, аның "президенты" итеп Вил Мирзаянов дигән кеше куелды... Бу инде законлы дәүләт властен көч белән бәреп төшерүне чит илдә оештыру булып тора, – әмма моңа Татарстан, Россия властьлары һәм аларның "органнары" бөтенләй күз йомдылар... – Чөнки чын асылда ул "сөргендәге хөкүмәт" тә фәкать безнең илдә Ислам экстремизмы тарату максатларын күздә тота иде, – әлегәчә фәкать шундый эшләр эшләп килә!.. Бер генә чын милли мәсьәләгә дә катнашып караганы юк!!.

...Шулай ук иркен рәвештә шул ук "исламчыларның" Яшьләр оешмасы төзелде (Наил Нәбиуллин һ.б.лар), – бөтен эшләре төрле хулиганлыклар булды (урыс телендә эш иттеләр, башка якларын озак язып тормастан) – берсен дә унбиш тәүлеккә дә утыртмадылар, чөнки чынлыкта шул ук, чын милли хәрәкәтне профанациягә әйләндерә торган "ислам гвардиясе" булып торалар...

...Россия югары властьларының регионнарга карата бик ахмак политика үткәрүен дә әйтеп үтәргә кирәктер... – Татарстанда, Башкортстанда "президент", "премьер" һ.б. итеп түбән интеллектлы кешеләр куела, "үз политикасын" алып бармасын өчен юри... Алар бәйрәмнән-бәйрәмгә йөреп, язып бирелгән стандарт сүзләрне телдән әйтеп бирергә генә сәләтлеләр чынлыкта... Мәскәүдә чыккан законнарны һәм әмерләрне өстән аска төшерү белән генә шөгыльләнәләр!.. – Шуңа күрә регионнарда җирле шартларны яхшы белеп, эшчән политика алып бару бөтенләй бетте, реаль эшләрне Мәскәү эмиссарлары гына хәл итә, – әмма алар да типик чиновниклар ич, аларга да иң мөһиме – "тавыш чыкмау"!.. Менә шул сәбәпләр аркылы үсеп китте дә инде бездә иң кыргый экстремистик тармаклар!..

...Аларны соңыннан көч белән бастырырга тырышу исә илдә тулаем тоталитар режим урнаштыруга туп-туры юл ачачак!..


*** 03.2013. Милли дәүләтчелек компоненты

Татарстан, әйтик, Самар өлкәсеннән нәрсәсе белән аерыла? – Татар халкының Милли Дәүләтчелеге булуы белән! Ләкин моны һич тә "татарлар дәүләте" дип аңларга ярамый, дөньяда бер милләтнеке генә булган дәүләт юк, була да алмый. Милли дәүләтчелек – Татарстанның дәүләти функцияләрендә Татар Милли Компоненты бар дигәнне аңлата.

Яхшымы-начармы, ул:

татарларның тигез хокуклы гражданнар булуын тәэмин итә, шул исәптән бүтән илләрдә яшәүче татарларны да милли изү-кысулардан яклау белән шөгыльләнә (яисә тиешле);

татар телен рәсми тел буларак дәүләт эшләрендә куллана;

бюджеттан татар телен тәэмин итү өчен финанслар бүлеп бирә;

татар телендә китаплар, гәзит-журналлар, радио-телевидение тапшырулары чыгаруны оештыра (шул җәһәттән чит төбәкләргә дә йогынты ясый);

татар мәктәпләрен, татар телендә укытуларны оештыра, аларны дәреслекләр, фәнни нигезләнгән программалар белән тәэмин итә;

татар милли мәдәниятен оештыра һәм тәэмин итә, татар милли тарихын өйрәнү, таныту өчен шартлар тудыра һәм башка шундыйлар...

Беренче президент Миңтимер Шәймиев 90нчы еллар башында ук үз эшчәнлеген "Татарстан дәүләтенең милли компоненты юк!" дип алдашудан, шундый хыянәттән башлады, арытаба шуннан чыгып эш итте, әле дә шул политика дәвам иттерелә. Ләкин милли компонент бөтенләй югалмады, чөнки аның инде күпмедер формалашкан закончалык базасы бар, аны тормышка ашыручы структуралар бар, аны тәэмин итеп яшәтүче тере татар халкы бар – бер яки берничә генә бик зур түрә дә аны бер селтәнү белән юкка чыгара алмый. Мәгәр коточкыч зур зыяннар салырга сәләтле һәм бездә әнә шуны эшләделәр дә.

Милләткә яхшылык эшләргә теләүчеләр, Татарстан дәүләтенең реаль эшләрен ошатмаудан чыгып, еш кына ул дәүләтне "бәреп төшерү", "сүтеп җыю", читтән килеп "коткаручылар"га бирергә әзерләү, этник яктан "чистарту" кебек ахмак һәм куркынычлы идеяләргә бирелеп китәләр. Мәгәр бердәнбер акылга ярашлы, реаль нәтиҗәләр бирердәй юл – әле булган дәүләтчелекне ныгыту һәм яхшы якка үзгәртү. Ә моның өчен парламентка яхшы депутатлар сайларга кирәк, милли-политик һәм милли-мәдәни җәмәгать оешмалары төзергә һәм эшләтергә кирәк, халыкның милли үзаңын үстерергә кирәк, татар телен, мәдәниятен саклау һәм үстерү белән даими шөгыльләнергә кирәк. Дөньяга сибелгән татар халкын милли яктан бербөтен итеп туплап яшәтү өчен тырышырга кирәк. Ә түгел каядыр анда дәүләт бинасына басып керергә дә, дошманнарны бәреп атарга, дигән хыялларга бирелеп саташып ятарга!

Милли дәүләтчелек компоненты – татар халкының аерылгысыз хокукы булып тора, аны аңа беркем дә бирмәгән, бүләк итмәгән һәм ниндидер "канун үзгәртү", "административ-территориаль реформа ясау" кебек чаралар белән тартып алырга да хаклы түгел! Андый адым ясалса – ул фәкать Җинаять булыр! Һәм менә шунда инде каршылык күрсәтүнең мөмкин булган барлык алымнары да Канунлы булыр! Андый көрәш дөньяда "Милли азатлык хәрәкәте" буларак бик киң билгеле. Әлегә исә безнең "азатлык" – үзебез белән, үзебездән тора, тартышып аласы түгел. Татар халкының милли дәүләтчелек компоненты буенча бөтен республика халкы тавыш бирергә, референдум үткәрергә хаклы түгел! Бу, булган очракта, синең өеңә алты-җиде чит кеше кереп, синең мөлкәтеңне бүлешү турында "кул күтәргән" сыман булыр иде. Моңа һич юл куярга ярамый, шул җәһәттән бик актив көрәш алып барырга кирәк. Алдан-ала, көне килеп җиткәч түгел, эш үткәч нәфрәтләр чәчеп түгел!


30.08.2012. Казан ТИҮенең "Суверенлык көне"нә "меморандум"ына карата:

Мәктәп малае дәрәҗәсендәге сафсата, анысын да грамоталы итеп язардай кеше тапмаганнар... Югыйсә, үзен "Бөтендөнья Татар..." дип танытучы оешма бу Суверенлык көне алдыннан: 1) бүгенге хәлләргә анализ ясар, үзенең көнүзәк позицияләрен күрсәтер иде; 2) үзенең еллык эшләре буенча хисап бирер иде; 3) алга таба максат-бурычларын билгеләп күрсәтер иде; 4) истәлекле дата уңаеннан берәр төрле күмәк чара үткәрер иде... (Илдә митинглар, демонстрацияләр, пикетлар, бәйрәм чаралары һ.б.ш. тыелмаган!) – "Татар" исемен жуликларча файдалануны тыя торган закон юклыктан файдаланалар!.. Идарәсендә кукыраеп "аракы мафиясе" утыра!.. Хәтта дөньякүләм яңгырашлы террорларны да тулысынча күрмәмешкә сабышып утырып калдылар!.. – Япсыннар ул оешмаларын, яисә яптырырга себереп куып – татар милләтенең йөз аклыгын пычратып утырмасыннар!..


*** 07.2012. Татарлыктан – "динчелек"кә...

Бервакытны "милли хәрәкәт"не басып киткән бандитлар шул вакытта ук инде "дин"не дә басып киттеләр (ахмак фанатиклар барысы да өерелеп шунда күчеп бетте). Ә чын аң-белем аркылы ихлас бирелгән кешеләрне тегеннән дә, моннан да куып һәм кысрыклап чыгарып бетерделәр.

Бездә "милләтчелек"не "динчелек"кә алмаштыру политикасы бик шәп үткәрелде, чөнки икенчесе "Россия империалистлары" өчен күпкә куркынычсызрак, татар халкын бетерүгә туп-туры юл булып тора... Һәм чөнки аның реаль нигезгә корылган ачык максатлары юк – ахыр максаты – фәкать бик күп догалар укып үз җаныңны оҗмахка кертү, ә ул юлда әгәр бик нык тырышсаң – үз маңгаеңны бәреп тишәргә генә мөмкинсең...

...Милләт һәм татар теле буенча карарга исә – минем үз мисалым: – татар телен алга үстерү, илдә реаль икетеллелек булдыру максатыннан 1995 елда ук әле "Татар теленең электрон корректоры "Субра" төзелеп гамәлгә кертелде (аннары Иҗек бүлгеч, Уеннар, Аңлатмалы һәм Рус-Тат Сүзлекләр һ.б.), 2008 елда Татарча-Русча электрон Тәрҗемәче "Татарча" төзелде... Шуннан ни дисез – ТР Фәннәр Академиясендәге жуликлар, дәүләт акчаларын үзләренә суырып ятар өчен, бу программаларны "бикләү", халыкка күрсәтмәү политикасы алып бара башладылар, – ә бу, үлчәп теккәндәй, "татар телен бетерү" федераль планнарына бик туры килеп тора иде!.. Ә мин татар теле программаларын ахырда Интернетка ирекле һәм бушлай таратуга чыгарырга мәҗбүр булдым – www.tataca-text.narod.ru сайтында – бу үзенә күрә сугыш кебек нәрсә – тегеләр безгә гөрзи бәрә – без аларга ут сибәбез, үзебез дә янсак янабыз!.. (Күпьеллык һәм югары хезмәтләрдән акча керемен югалттык.) Шуннан, тегеләр "татар" һәм "Татарстан" сайтларыннан минем сайтка юнәлтмәләрне сөртеп аттырырга керештеләр – бүгенге көндә ул сайтка керүчеләрнең яртыдан күбрәге – Казахстан һәм Украина юнәлтмәләреннән... – Менә шулай бара милләткә каршы көрәш, бармыйча тик кенә ятмый!.. Ә бит югыйсә, идея буенча, Тәрҗемәче ярдәмендә без татарча язмаларны руслар аңламаудан котылырга, татар теленең яңа электроника заманына тулы интеграциясенә ирешергә тиеш идек!..

...Бу көрәштә "динчелек"кә кадәр әле "милләтчелек"не бандитлар басып алуны оештырдылар ("үзебезнекеләр"), телевидениедән татар телен куып чыгардылар, милли культураның бөтен тармакларын корытып бетерделәр, ул тармакларда "үзеннән-үзе" үрчегән жуликларны, туган-тумачаларны әйтәсе дә юк!.. Кая төртелсәң шунда пычрак!..

...Һәм, әлбәттә, "динчелек" – иң эффектлысы! – Ул урыслашуга каршы бер сүз дә әйтми, ә урыслашкан "мөселман" күп дигәндә үз гомерендә үзе "мөселман" булып калырга мөмкин, аның балалары булмаса оныклары инде чиркәүгә йөри башлый (гомумән дин тотса)... Тарихка күз салсак – Мәскәүнең Измайлово бистәсендә йөз ел элек кенә әллә миллион татар яшәгән, Ярославль, Кострома, Касыйм шәһәрләрендә бик зур татар бистәләре булган – әмма андагы халык башта русчага өйрәнгән, аннан татарчасын оныткан, аннан инде чиркәүгә йөри башлаган, хәтта рус фамилияләренә күчеп беткән, үзе дә сизми калган...


*** 07.2012. Терактлар уңае белән "милли хәрәкәт" куптарган истериягә карата:

Хәзер күп болгатыла торган сүзләрнең берсе дөрес – Татарстанда мөселманнарга каршы террор башланды. Әйе! – Бер атаклы мөселманны үтерделәр, берсен шартлаттылар әле пока, – һәм моны, әлбәттә, "мөселманнар" эшләде: я "бизнес талаучылары", яисә террор секталары... Шуннан, хокук саклау органнары, чыннан да, хокук саклау эшенә керештеләр – үтерүчеләрне табарга!.. Әлегә менә шул, истерия куптармый гына әйткәндә!..

...Үзен "милли хәрәкәт" дип атый торган, чынлыкта милләткә бөтен катнашын әллә кайчан югалткан төркемнең коткы пропагандасы белән, кайберәүләрнең миләре тискәре якка әйләнеп бетте бугай инде... Шуңа күрә бездән аңлатма:

– "Хокук саклау" һәм "дәүләт куркынычсызлыгы" органнары төрле эшләр эшләргә мөмкин, әмма төп асылда алар сүзмә-сүз дәүләткә, андагы халыкка, аларның иминлегенә хезмәт итәргә тиешле – шул исәптән татар халкының милли мәнфәгатьләренә дә... Сез әйтерсез "хи-хи-ха-ха" дип, – ә менә бездә шул турыда бер факт: Чаллы ТИҮенең (Р.Кашаповның) секретаре Наилә Вилданова – КГБ офицеры булып эшләп ялга чыккан кеше... Чаллыда актив милли хәрәкәтче буларак киң билгеле... Андыйлар тагы да байтак!.. Моннан исә шул нәтиҗә – легаль булган милли-азатлык хәрәкәтендә җәмгыятьнең бөтен төркемнәре: "органнар" да, түрәләр дә, министрлар да, барысы да катнашырга тиешле, шул чагында гына ул уңай нәтиҗәләргә китерергә мөмкин!..

...Милли хәрәкәттә идән асты төркемнәре юк, "шпионнар" юк (үзен "герой" итеп күрсәтүчеләр генә күп), – барысы да хокукый нигездә, хокук саклауга легаль рәвештә таянып эш итә! (Милициядән "тән сакчысы" яллаучылары да булды хәтта, сез "шәһит китә бит инде бичара!" дип селәгәй агызып йөргәндә!) Безнең 90нчы елларда барган бөтен көрәш тә Татарстан дәүләтчелеген ныгыту, күтәрү өчен барды, бетерү өчен түгел!..

...Ә төрле саташкан, җенле төркемнәр бүген нәкъ менә безнең дәүләтчелекнең нигезен казу белән шөгыльләнәләр!.. Татарстан кирәкми аларга, ә Ислам хәлифәте кирәк!.. Кстати, араларында бердәнбер легаль булмаган кеше – Америкада яшәүче Вил Мирзаянов, Ф.Бәйрәмованың "Милли мәҗлесе" ясап биргән "Сөргендәге татар хөкүмәте башлыгы"!.. Шуңа күрә ул барыннан ныграк сайрый да Татарстанны бетерү максатлары белән!.. (Үзенең компьютерына татар хәрефләре дә куймый һаман, ичмаса, ничә тапкыр "күзенә төртеп" әйтүләргә карамастан! Ә бит байлыгы чамадан ашу, Б.Гейтсның үзен чакырып куйдыртырлык!)


07.2012. Ф.Бәйрәмованың "универсиадага бойкот" коткысына карата:

Бөтен Казан, Татарстан Универсиада бәйрәм иткәндә менә боларга ияреп адашкан ислам фанатиклары кара көеп, төрле пычраклар сибеп утырырлар; провокацияләр һәм террорлар оештырмасалар ярый!..

...Ә соңгы үтерешләрне Универсиадага бәйләү – абсурд, Бәйрәмованың чирле фантазиясендә генә туарга мөмкин!.. Вәлиулла Якуп белән Илдус Фәизовны "органнарга сатылган" дип игълан итүе һәм шул ук җөмләдә моны "органнар оештырган" дигән "информация" бирүе – шулай ук чирле фантазия җимеше!.. Ә татар милләте өчен аның зыян һәм корткычлыклардан бүтән берни дә эшләгәне юк! Һәм мөмкин дә түгел!.


Чаллыда булып узган "Икенче ТИҮ" аферасын искә төшереп:

Җитәкчеләренең (ә бәлки хуҗаларының да) берсе Фаикъ Таҗи булган Автоэкспертиза фирмасы 2001 елга кадәр "Аргамак" журналыныкы булган 14/13 йортында урнашкан, ә аның тарихы бик тә гыйльләле:

...2000 елда, шәһәр хакиме Рәшит Хәмәдиевның ачыктан-ачык шефлыгы белән, "Икенче ТИҮ" дигән "милли хәрәкәт" оешмасы төзелде, ә ул, бердәнбер реаль эше буларак, "Аргамак"ны яптыруда бик актив тырышып йөрде, аны яптыру белән шундук шул бинага кереп тә урнашты... Аңарчы "Аргамак"ның "киләчәккә өметләре" турында хәтта артык еш шаулап килгән хәбәр чаралары, журнал инде ябылуга җиткәч (законсыз рәвештә!), кинәт шым булдылар... (Бигрәк тә "Азатлык" радиосының тыны да чыкмау "колак тондыргыч" булды – бүтәннәр ичмаса мэрия кушканны үти дип уйлыйбыз бит инде.) Тагы да бер елдан "Икенче ТИҮ" дә кинәт бетеп куйды, ә бинаның (5 бүлмәле квартирның) зур бер өлешен Автоэкспертиза биләп алды... Билгеле ки, ул "безнең" киң билгеле "милли хәрәкәтче"ләрнең бизнесы булып тора...

...Ә бу әвәрә-тамашаларның схемасы мондыйрак: – "Икенче ТИҮ" дигән фиктив, эфемер оешмага мэрия "шефлыгы" астында булган эшмәкәрлек фирмалары "ирекле-мәҗбүри" рәвештә кайсы 500 мең, кайсы 1 млн "спонсорлык" акчалары күчерә башладылар... Шуннан ни, беркөнне фирма бар, икенче көнне иртәнгә юк, ябылуы турында акт та юк, артыннан хисап та юк, суд та юк, чурт та юк... Җыелган "мирас"ны ничек бүлешкәннәре турында пичәтле кәгазьләр дә юк, әлбәттә... Урамнар да тып-тын, паркларда да беркем "компромиссыз көрәшеп" йөрми, ичмаса бер "хат" та язмыйлар, күз буяу өчен дә... Югыйсә бит "Беренче ТИҮ" дә бар, ә ул "икенче"гә карата "оппозиция" санала иде... "Милли Мәҗлес" тә әйтерсең лә юк (рәисе Айдар Хәлим иде), – "ике ТИҮ" арасына кысылмыйча гына, бик ипле генә утырып калды... – Менә шул "милли хәрәкәт" әле бүген дә "чәчәк атып" утыра (тагы да баеракларга хезмәт итә), бик күп беркатлы-аңгыра татарлар арасында элеккечә дан тота, "милли лидер"ларының да берсенең-бер төкләре дә коелмады...


*** 09.2012. "Милли хәрәкәт"тә "аңлашып эшләү"гә карата:

Кадерле Имамовка: Ә сезнең, шул исәптән Фәүзия Бәйрәмовагызның кайчан кем белән "сөйләшү-аңлашу эшләре үткәргәне" булды?.. Эчегез-тышыгыз тулы зәһәр агу, мәкерле үчләр, астыртын һөҗүмнәр, пычрак этлекләр, провокация һәм ялганнар!.. "Аңлашу" дигән сүзне дә аңламыйсыз бит чынлыкта, тумыштан юк ул сездә!..

...Үзегезгә "милләтчеләр" дип белеп ялгыш ияргән бөтен кешеләрне үзара дошманлаштырып бетердегез!

...Үзең егерме елдан ашу "башкорт татарлары башлыгы" атлы булып, хәтта "баш редактор"лар булып йөреп, татарча грамоталы язарга да өйрәнмәдең тәки, компьютерда татар хәрефе генә дә кулланмыйсың, оятсыз рәвештә!..

...Ә синең Равил Гайнетдинеңне (Россия мөфтиен) Кавказ сәләфиләре сайлап куйдыра, – Россия "органнары" исә аларны контрольдә тотарга сәләтсез, чөнки, Кавказдагы милли азатлык хәрәкәтләрен үз вакытында нәкъ шул сәләфиләр кулы белән будылар!.. – Чечняда ислам экстремистлары Аслан Масхадов хөкүмәтенә каршы эчке сугыш куптардылар, башында Әхмәт Кадыйров торды, Россия заказы буенча провокацион "Җиһад" игълан итте, ә "эшен эшләгәч" рәхәтләнеп, ачыктан-ачык "урыс булды"!


*** 08.2012. "Азатлык" яшьләре"нең "ялгыз пикет"ларына карата:

Бер караганда яхшы да, мактап кына торырлык та кебек, – ләкин "милли хәрәкәтче"ләрнең гел генә урамда полиция белән этле-песиле уйнаулары, милли мәсьәләләр буенча бүтән берни дә эшләмәүләре инде егерме елдан ашу бара бит!.. Мәктәпләргә атлап та кермиләр, татарча гәзит бастырмыйлар, сайт алып бармыйлар, китаплар чыгармадылар, тел законнарын бозуның бер генә фактын да һичьюгы "күрмәделәр", ул җәһәттән беркемне дә якламадылар, милләт өчен эшләүчеләрне күрсәтмәделәр һәм якламадылар (хөсетлекләре исә күп булды), милли-мәдәни чаралар оештырмадылар, милли хәрәкәт тарихын язмадылар (архивын да алып бармадылар), барлык язган язулары рус телендә, беркемне дә татар теленә өйрәтмәделәр, һ.б.ш.... Ә урамда гына – тәкмәч атынсаң да һаман шул бер нәтиҗә... Кстати, урамга чыккач-чыккач, – күрсәткеч һәм реклама язуларының ике теллелеген егетләрчә контрольгә алырга беләк һәм башыгыз сыегракмы?.. Шул бит андагы иң "кычкырып торган" мәсьәлә!..

Ә барысыннан бигрәк – "Татар яшьләре"нең хак мөселманнарны үтерүчеләрне якларга дип, шуларны күтеннән тотып алу чараларына каршы шау күтәреп чыгуы яман!...

...Шунысы гаҗәп тагын – полиция сержанты нишләп тоткарланган кешегә кесә телефоныннан шалтыратырга рөхсәт иткән?.. (Түбән Камада, участокта.) Чын җинаятьче булса, ул бит үз әшнәләренә эз яшерү турында инструкция бирергә мөмкин!.. Полициягә һөҗүм итеп үзен коткарырга сигнал бирмәсә ярый!.. Чыннан да, ул сержантка каты адм.чара күрсеннәр!..


09.2012. "Тырышалар ич алар, сезнең кебек тик ятмыйлар", – диючегә:

"Эшләргә тырышкан эшләре" шул – татар милли яңарыш һәм азатлык хәрәкәтен гел урам полициясе белән болышып, ызгышып йөри торган хулиган төркемнәр дәрәҗәсенә төшерү!.. Бик зур уңышка ирештеләр ул юлда – бүген, шуңа күрә, хәтта иң татар җанлы укытучылар, җырчылар, журналистлар, хезмәткәрләр, просто эшчеләр үзләрен ул хәрәкәткә катнашлы дип санамыйлар, нык кыенсыналар!..

Милләтне чын хәрәкәткә берләштерә торган оешмалар бетерелде яисә ахмак профанациягә әверелде!.. Хәрәкәткә берләшергә теләүчеләр, шундый активлыклы кешеләр, аптырагач, төрле дини-фанатик агымнарга кушылып киттеләр, күбесе бөтенләй диндар булмасалар да...

"Бу эшләрнең уртасында кайнарга" дигәнең – ул шул плакат күтәреп урам уртасына, базар чатына басу буламы, синеңчә? Безнең башкарып килгән реаль эшләр "кайнау"га кермиме, урамда айкалып йөрмәгәч, бушлай тамаша ясап?

...Әгәр алар асылда "милли хәрәкәт" исеменнән файдаланучы бандит-мафия төркемнәре булмасалар, нәкъ сез әйткәнчә эшләрләр иде, үз кулларыннан килмәсә укытучыларны, журналистларны җәлеп итәрләр иде... – Шул турыда язганга каныгалар һәм шуңа күрә аргументлары юк!..

Иң гади укытучы һәм тәрбиячеләргә атап каныгуларын күрегез тагын – чөнки чынлыкта шәһәр хакимияте "түбәсе" астында үзләренең төп "бизнес"ларын тыныч-рәхәт яшәтәләр!.. Әйтик, "шәһәр мэры В.Шәйхразиев..." дип (аңарчы "И.Халиков..." дип) соңгы ун елда берәр тәнкыйть сүзе әйткәне бармы "Чаллы ТИҮе" Кашаповның һәм "Милли Мәҗлес" Бәйрәмованың? – Юк!.. Куркалар!.. Гомумән бик куркаклар алар тормышта, күп бүтән яклардан да – чөнки рәхәт-мул яшиләр, зиннәт эчендә!.. (Һәм тагын ялган булса да дан эчендә!) (Бер көннәре безнең ишенең бер аеннан уннарча мәртәбә кыйбат тора.)

...Ялган "милләтче" журналистлар ул пикетларның бөтен мәгънәсен һаман да шул полиция белән болышуга кайтарып калдыралар!.. Ләкин, полиция аларга шул чагында игътибар итәр иде бәлки – әгәр дә алар шәһәр хакимияте түрәләрен гаепләсәләр, исемнәрен һәм конкрет җаваплы эшләрен атап, чак кына булса да һәм кайчан да булса бер, әгәр нинди дә булса фактларны ачыклап фаш итсәләр!.. Ә шунсыз – полициягә урамда сыра эчкән кеше "куркынычлырак" бу шибздикларга караганда!..

Ә бөтен гаепләрне бакча тәрбиячеләре өстенә япсарырга осталар!.. Сорап та тормыйлар!.. Нинди мәкер-гайбәтләргә башы җиткән – өеп язып та чыккан!..

..."Татарлыклары" да көлке һәм оят бит аларның – бер плакатларын татарча дөрес яза белмәгәннәр!


*** Элекке чын Милли хәрәкәт турында:

Атаклы Чаллы бае Рәфис Кашапов быел, Ф.Бәйрәмова агитациясенә бирелеп, үзенең бердәнбер милли эшен – халыкны автобус белән Болгар сәфәренә йөртүне туктатты – менә ул төркемнең "милли"легенә ачык бер мисал...

...Йөз ел элек булган чын Милли хәрәкәтне алып карыйк мисалга, – татар милли хәрәкәтчеләре һәр авылда татар мәктәбе эшләткәннәр, дистәләрчә гәзит-журнал, бик күп китап чыгарганнар, театр труппалары оештырганнар, татар концертлары куйганнар, граммофон табалары чыгарганнар, берничә сәяси партия төзегәннәр (үзара көрәш тә хәрәкәтнең мөһим өлеше булып тора)... Татар зыялыларын ничек күтәргәннәр, олылаганнар!.. – Хәзерге ялганчы "милли хәрәкәтче"ләрдә исә аларны шулай дип атарга сылтау өчен генә дә мисал таба алмыйбыз!..

(Ә бит патша заманында дәүләт татар милләте өчен бюджеттан бер тиен дә бүлеп бирмәгән, бер генә кешене дә милләт, милли мәдәният, тел эшләре буенча штатта утыртмаган... Барлык зур-зур тарихи эшләр фәкать ирекле рәвештә эшләнгән!)


"Башкортстан Татарлары башлыгы" Кадерле Имамовка, безгә "ФСБ агенты" дип яла ягуына каршы:

...Ә сезне Башкортстан обкомы оештырды!.. БР суверенлыгын сессиядә кабул иткәндә, шуны өзәргә тырышып, Уфаның Совет мәйданына Айдар Хәлимне "протестка" чыгарып утыртудын башланды: әгәр өстән кушылмаган булса, аны бит беренче милиционер типкәләп чыгарыр иде аннан! Аннан тиз арада "Идел-Урал" гәзите ясап куйдылар; тоташы белән татар-башкорт дошманлыгы котыртты, урыс телендә, – әллә син аның җиһазларын зарплатаңа алдыңмы сатып, төнлә йөк бушатып чыгарттыңмы саннарын?.. – Халыкның үсә барган милли аңына шулай "канализация" ясадылар бит, синең "ярдәм" белән!.. Соңрак "канализация" өчен дин күпкә шәбрәк булып китте, – син аннан да калмадың!.. Тик, ялтыр-яшел йомыркалардан аждаһа чыгачагын теге таш маңгайлар алдан күрә белмәделәр!.. Кая ди аларга сез әйткәнчә шундый катлаулы "комбинация"ләр оештыру!..


“Милләтче”ләрнең гел “Империя җимерү” һәм “дин” турында гына сөйләвенә карата:

Ә нигә сез гел генә "хакимият системасы" турында кайгырасыз? Бик көчәеп киттегез ди, әйтик, – шунда нәрсә кыласыз – "милләт хакимияте" төзисезме? Төзеп караган берәү 67 ел элек... Ә татарлар булып, татарча сөйләшеп, татар культурасы эчендә яшәү генә булса җитмиме? "Империя кыса, юл куймый" дисез инде, – кысар ул кысуын, тик кенә тормас, – ләкин бит сезнең әле "кире реакция ясау" дәрәҗәсенә җитеп бер генә эш тә күрсәткәнегез юк ул җәһәттән!.. Шуңа күрә "милләтне кысу" гамәленең дә турыдан-туры беркайда беркайчан булганы юк... Империя үзенең урыс телен үстерә һәм яклый, татар телен үстерми, шул гына...

...Аннары сез уйлыйсыз, бу муллалыкка укыган малайлар милләт өчен йөри, безгә "милли оҗмах" төзеп бирәчәк дип... – Татарларда мулла тыйнаклык, әдәплек символы булып тора (мулланың песие һәм кызы турында әйтемнәр дә бар хәтта), – ә болар нинди дин, нинди әхлак, нинди власть өчен агрессив эш алып баралар? Белмисез ичмаса... Ә аның тамыры "Ассасин"нар дип аталган бер атаклы сектага барып тоташа. Урта гасырларда Иранда булган ул секта, дәүләт тотканнар, бөтен хөкемнәре – чак бер сүз әйткән һәр кешене үтерү булган; шулай каты "ислам власте" ясап, шуннан файдаланып, ассасин теләсә кемнең өенә кереп теләгән нәрсәсен алган, хатынын да кулланган, ә кәеф-сафа өчен алар гашиш тартканнар... Ул дәүләтне монголлар (Хулагу) тар-мар иткәч, хәзерге Пакьстанга күчеп, әле дә көчле секта булып торалар, башлыклары Ага-хан дип атала... Безнең атаклы Айрат Вахитов һәм тагын байтаклар бүгенге көндә шунда киткән диләр... Билгеле булганча андый секталар хәзер берничә: ваһабитлар, сәләфитләр, әл-кагыйдә, хизбут-тәхрир һ.б.... Менә шуларның агентлары йөри иснәнеп, заданиеләрен үтәп, аңгырарак яшьләрне сагалап... Безнең татарларда исә чак кына да сакланыч, уяулык юк, сагаебрак карау гына да юк... Гарәпләрнең, ираннарның үзләрендә бик бар, мәгәр, белеп алган берсенең муенын борып ыргыталар, чөнки күп күргәннәре бар нинди зараза икәнлеген, үз сыртларында!..


"Ник үзең "милли хәрәкәт"кә йөрмисең?" – диючегә:

Чөнки мине алар үз "кичә"ләренә чакырмый, чөнки дөреслекне әйтүемнән куркалар!..

(Татар халкына берәр бәлә килеп, чын милли хәрәкәт кирәксә – без чыгарбыз әле тагын мәйданнарга (я башкача көрәшкә), – ә тегеләр тагын посып калыр, шулай ук элеккечә.)

...Гайфулла гына ("Азатлык радиосы" хәбәрчесе) гел шуларны "яктыртып" тора, югыйсәң ул кара төркемчәдән бөтен татар халкы чиркана инде!.. Бу юлы да, пружинасын борып куйгандай, бер лакан алдак түккәннәр, террор белән кеше үтерүләрне ачыктан-ачык хуплаганнар, шулчаклы шатланып!.. – ФСБ чынлыкта террор пропагандасына каршы бик начар шөгыльләнә, боларга тулы ирек куеп ята!

...Сүзләрендә ичмаса тырнак очы кадәр логика юк... – Үзләре Илдус Фәизов белән Вәлиулла Якупны "органнарга сатылган" дип күрсәтәләр, үзләре үк шуларга һөҗүмне "органнар оештырган" дип шар яралар!..

 

ДИН...

I "Дин әхлагы" I "Татарча Ислам" I "Саф иман" I Фанатизм һәм коткычылык I Мәдрәсә I Дин һәм дәүләт I Һәм башка... I


Шәехзада Бабич әйткән:

"Күктә Алла, җирдә Шайтан – мин малай...

Берсе "дин!" дип, берсе "мин!" дип юмалай...

Аңламаем – әллә Алла, әллә Шайтан алдалай?.."


03.2013. Хиҗап турысында:

Хиҗап белән, күзне генә калдырып, битне яшерү – хатын-кызның шәхесен яшерү була ул, – син алар янында гомер итәсең, әйтик, 50-60 ел, – ә кем икәннәрен белмисең, гүя алар кеше түгел, ә "хатын-кыз" дигән стандарт, төссез-рәвешсез бер нәрсә... Сарыкны да йөзеннән таныйлар тормышта, югыйсә!..

...Кыз кеше кияүгә чыккач, аның кыяфәте "минем иям бар" дип әйтә торган булырга тиеш санала, һәм моның өчен барлык халыкларда нинди дә булса рәвеш билгеләнә – башларына чәчкап киертәләр, аллы-гөлле бизәнү әйберләрен киметәләр, итәген озынайталар, – ләкин кем икәнлеген аера торган йөзен капламыйлар!.. Әгәр шайтан коткысына нигезләнгән берәр сектага ияреп җенләнмәгән булсалар!..

...Кияүгә чыкканчы исә – кызларга Алла йөз матурлыгын яхшырак кияү сайлау өчен биргән дип карарга кирәк!.. Әллә юкса сезнеңчә Алла кирәкмәгән, артык нәрсә яралтканмы?.. Сез Алланың ялгышын төзәтәсезме?!. Андый дин булса – ул үзе ялган!!!

...Кызларны йөзләрен-гәүдәләрен каплап, чамадан тыш "тыйнаклыкка" өйрәтеп, һәр кешедән "качырып", "сатлык мал" итеп тәрбияләү – үзе бер зур бозыклык, кеше рухын имгәтү ул, – моны Алла кушкан булырга мөмкин түгел!.. Беркем дә, иң тәртипсез кеше дә урамга шәрә көе чыкмый, инстинктив рәвештә ояты килә, – менә моны Алла кушкан дисәң дә була!.. Алла кушкан нәрсә кешенең аңында тумыштан була – төрле коткыларга бирелеп шуннан ары атлап узу гына Алла кушмаган нәрсә була!..


09.2012. "Хәләл ит" кәсебенә карата:

Ә нишләп татар зыялылары "дин-ислам" аркылы халыкны аңгырайтып талау очракларына бер дә игътибар итмиләр, чак кына да яклашмыйлар икән? Менә шуңа бер генә мисал:

...Кибет прилавкасында рәттән ике бертөрле "тавык продукциясе" ята: берсе – 115 сум, икенчесе – "Хәләл", 125 сум... Ә бит тавык фабрикасында бер үк линия, анда чучка суймыйлар, "хәләллек" исә тавыкның муенын "бисмиллаһи аллаһ әкбәр!" дип кычкырып әйтеп чалудан гына булырга мөмкин... Сез анда өстенә яшел чапан кигән, кулына канлы пычак тоткан мулла бабай көненә туксан җиде мең тапкыр шулай кычкырып-селтәнеп торадыр дип уйлыйсызмы?.. Ярый, торсын да ди – аның шул хезмәте тавык башына унар сумга төшә дип уйлыйсызмы?..

...Монда мин язудан гына файда юк, әмма бу мәсьәлә бит барлык төр татар зыялыларының җәмгыять алдындагы төп бурычларыннан берсе булып тора!.. Әтү алар кайсы мәчетләргә "дәүләт хәере", "милләт хәере" тарата (Фәрит Мифтахов кебекләре), кайсы кемнең кемне ничек яратканы турында гүзәл әсәрләр яза, кайсы бишәр-алтышар калын-калын графоман китаплары ятлый – ә кәҗәләрне бакчадан кем куар?!. "Кара халык" эшеме?..

...Әгәр базарда, әйтик, кием-салымны: “урланган”, “талап алынган”, “үтерелгән кешенеке” дип сатсалар, – чирканмыйча, Алла сугар дип курыкмыйча алыр идегезме, мөселман туганнар?.. Юктыр бит?.. Ә шул ук сыйфаттагы аферист-жуликлар кәсеп итә торган “хәләл тавык” (сыер, сарык ите) алганда андый хисләрегез һич тә кузгалмыймы?.. Ун-унбиш процент өстәмә бәясен түләп, кыңгыр эшне финанслыйсыз бит югыйсә!.. Ә бәлки бу мәсьәләне фәкать дөрес аңламыйсыздыр?..

...Ислам динендә дуңгыз ите һәм каны чыгарылмаган ит кенә харам, чынлыкта, шул турыда Коръәндә әйтелгән, һәм иткә карата бүтән төрле аңлатмалар, өйрәтмәләр әйтелмәгән. Хәдисләрдә дә терлек сую турында анык кына инструкцияләр юк!..

...Ни өчен юк?! – дисәгез, – шуның өчен, чөнки Ислам дине хайван җанына нинди дә булса рәвештә мөрәҗәгать итүне, аннан гафу үтенүне тиешле дип тапмый, андый йола-ырымнарны кире кага, чөнки бу асылда ниндидер “терлек алласына” ялвару гамәле, “ширек кату” гөнаһысы булыр иде!.. (Киңрәк алып әйткәндә, мондый караш уртак тамырдан чыккан яһүди, христиан диннәренә дә хас.)

...Хәттә терлек чалганда: “Бисмиллаһи аллаһ әкбәр!” – дип кычкырып әйтеп кую да диннән түгел, – бары тик “примитив ышану”га бирелеп китеп эшләнә торган нәрсә... Аның да тирән сәбәбе бар – чөнки Коръәннең тамуг газаплары турындагы “Тәүбә" сүрәсе “бисмилла”сыз башлана... – Бар нәрсә дә Алладан булса да, газап салу кебек эш-гамәлләрне телдән әйтеп Аңа сылтау – яхшы түгел, “шелтәле”... Терлек чалганда “бисмилла” әйтү бары тик “эшем уң булсын” дигән теләкне эмоциональ рәвештә белдерү ул, мәгәр аның аркылы ит һич тә “хәләлләнми”, гөнаһысы булмаса да бик ярый әле!.. Урта Азия, Кавказ, Гарәп илләре мөселманнарының күбесендә, шуңа күрә, бу очракта “бисмилла” әйтмиләр!.. (Сарыкны тотып алалар да, мәсәлән, әйләндереп еккан уңайга ук чалып та җибәрәләр, оста гына итеп. Хайванны озак интектереп тормау да үзе бер савап санала.)

...Ә каны чыкмаган ит бөтен диннәрдә харам гына түгел, бик куркынычлы да, чөнки бик тиз бозыла, бозылган кан исә иң көчле агуларның берсе булып тора... Шуңа күрә кибетләрдә сатыла торган “хәләл” маркасыз ит тә чынлыкта Хәләл, аның шулай булуын санэпидем-служба каты контрольдә тота...

...”Хәләл ит” мәсьәләсен беренче башлап 1905 еллар тирәсендә православ поплары күтәреп чыккан: “Бойняда сыерларны маңгаена күсәк орып үтерәләр!” – дип (һәм күпмедер дәрәҗәдә хаклы булганнар)... Тик бу эштән аерым “бизнес” ясауны Патриархат тыйган, комсыз попларның маңгаена каты гына бер чиртеп!.. Ә шаукымга кушылып киткән мөселман руханиларын тыючы булмаган... Һәм, менә, күп еллардан соң “безнекеләр” шуның аркылы “котырып” баерга керештеләр!.. Беркатлы мөселманнар сыртына өстәмә (һәм ялган) “хәләл салымы” салуда чик-чама белмиләр, чак кына да намуссынмыйлар!..

...Ә нәтиҗә шул – базардан я кибеттән ит алганда “хәләл” маркалымы икәненә карамагыз, мөселманнар – дуңгыз булмаса, бик Хәләл!.. Тагы да ышанычлырак булсын дисәгез – пешергәндә һәм ашаганда “бисмилла” әйтегез!..

 
*** 09.2012. Татарстанда "Дин әхлагы" дәресләре кертелүгә карата:

Мәктәпкә динчеләр керсә, иң азы – төрле ата-аналар арасында коточкыч каршылыклар һәм җәнҗаллар китәчәк! Ә иң көтелгәне – шуның артыннан озакламый балаларны көчләп дингә чукындыру башланачак!.. Безнең муллалар исә үзләренә "штат" эләктерү турында гына уйлый! Абсолют күпчелек мәктәпләрдә азчылыкта булган мөселман балаларын христиан дәресләренә тыгачаклары, ә аерып алына торган җирләрдә дини-милли дошманлык китәчәге турында уйламый!

Мифтахетдин Акмулла әйткән:

"Чыкмаса динче мәктәптән аманлык белән, –

Ку кәҗәне бакчадан яманлык белән!"


*** "Ваһабизм" белән "Традицион Ислам" аермасы турында:

...Дөресендә Ваһаб дигән кеше, үзенең "Ибраһим дине" дигән "яңа мәзһәбенә" таянып, Гарәбстанда фәкать руханилар власте урнаштыру өчен гражданнар сугышы китереп чыгара... Соңра "Ваһабилык" дип аталган мәзһәпнең Мөхәммәт пәйгамбәрне тануы да ярым-йорты гына, Коръәндә күп тапкырлар Ибраһим п. турында сөйләгәне өчен генә, төп асылда исә: "Чын дин Адәмгә бирелгән дә, шуннан соң гел бозыла килгән" – дигән идеяне алга сөрә. Ягъни тарихи процессны астын-өскә әйләндерә – Адәмнән (яисә кайчак Ибраһимнан) соң кертелгән һәртөрле яңалыкларны "бозыклык", "бидгать" дип игълан итә... (Паровоз да бидгать, бәрәңге дә, телефон да, – бар да бидгать... Хәтта күпчелек хәдисләр һәм шәригать кануннары да бидгать!..)

...Ваһабилар, төп максатлары – динчеләр власте урнаштыру булганга күрә, һәртөрле дәүләт законнарын, гадәт һәм йолаларны, кагыйдәләрне, халыкларның мәдәниятләрен аеруча дошман күрәләр, – Гарәбстанда беренче эшләре итеп исламга кадәрге бөтен тарихи истәлекләрне, корылмаларны юкка чыгарганнар, җыр-музыканы, милли киемнәрне, әдәбиятне тыеп, зыялыларны үтереп бетергәннәр... Хәзерге вакытта да шул юлны тоталар – дәүләтләрне, милләтләрне бетерергә, дөньяда бер Ислам хәлифәте төзергә, бер "үз диннәрен" генә һәм бер иске гарәп телен генә калдырырга!.. Шуны тормышка ашыру өчен "изге сугыш – җиһад" алып барырга, әлбәттә!.. – Әнә шул максатлары, ни генә эшләсәләр дә, нинди генә киемнәргә киенеп икейөзләнсәләр дә, ялт итеп өскә чыккан була, ипләбрәк карасаң... Ә икейөзләнү – аларның төп эш итү ысулларыннан берсе, үз сектасыннан читтә торучыларга "без әйбәт" дип иң оятсыз рәвештә ялганлау аларга инструкция рәвешендә укытыла... (Христианнарның Иезуитлар орденындагы шикелле.)

Ә "Традицион ислам" дигән нәрсә – ислам динен башлыча "дөньяга караш" рәвешендә күрә, – савап җыярга һәм гөнаһ кылмаска, үлгәч ничек була, һ.б. шундыйлар... Тормышта дәүләт башлыкларына буйсынып яшәргә куша (элек муллалар һәр намаз алдыннан Николай патшага исәнлек теләп дога кылганнар, мәсәлән.) Турыдан-туры Коръән өйрәтмәләренә каршы килми торган милли йолаларны һәм гореф-гадәтләрне, киемнәрне, телләрне һ.б. шундыйларны дөрес, "сөннәт" дип таный...


09.2012. "Традицион Ислам", "Татарча Ислам" темасына карата:

Сез, татар туганнар, әллә үзегезгә “читтән карый” белмисез кайчакта булса да?.. Әйтик, безнең аңнарыбыз түрләрендә утырган чын-асыл дин ни рәвештә ул? – Без аны, чын асылда, җеназа вакытында көйләп дога укучы мулла бабай образында күрәбез... Ул безне билгесез “теге дөньяга” озата яки озатачак... Яисә, бүтән чакларда, ул безне шуңа әзерли, шуны искәртә... Игелекләр җыярга һәм языклардан сакланырга өйрәтә...

Ләкин безнең милли аңнан, бүгенге татар тормышыннан читтәге “зур ислам” һич тә андый гына түгел!.. Аның электәге башлыклары, барыннан элек, власть, хакимият тотуны, халыктан суырып байлык туплауны иң алгы планга куйганнар!.. Көнчыгыш илләрнең дәүләт башлыклары гадәттә “баш имам” булып та торган, илдә конституция һәм “кодекс”лар урынына “шәригать” хөкем сөргән... Татарларда да йөзләрчә еллар буе авылларда иң зур түрәләр – мулла белән мәзин булган, бөтен эшләп табылган байлыклар (“өстәмә капитал”) шулар кесәсе аша узган... Соңра нәкъ шулар иң эре кибетчеләр, кәсепче һәм фабрикантлар булып киткәннәр... Халыкны буйсындырып тоту өчен исә алар, тулаем әйткәндә, илне төрле кара золымнар белән даими, рәхимсез изеп торганнар, гади кешеләрне мәдәниятсез “кара сарык” көтүе итәргә омтылганнар... – Әле дә бик ашкынып шул юлларын куалар түгелме, бигрәк тә кайбер үтә радикаль төркемнәре?!.

Ә намус, кешелеклек, йолаларга хөрмәт, итагать, мәрхәмәт, иман ни дәрәҗәдә?.. Менә еш очрый торган бер мисал (һәркемнең тап булганы бардыр) – җеназа, әйтик, берәүнең бер бик якынын күмәләр, догалар укыла, мул гына хәерләр таратыла... Һәм шунда, иң зур хәер тараталып беткәч тә, бер яшь кенә, җәт кенә егет күтәрелеп чыга да, “фәлән мәчет файдасына” дигән булып, теге таратылган хәерләрне кире җыя башлый, һәркемнең борын төбенә учын суза-суза... – Бу бит йола бозу, алай гына дию дә аз – бу бит жуликлык!.. Дөрестән дә “мәчет файдасына” булсын да ди (анысы бик шикле), – ләкин бит таратыла торган хәер – дини йоланың кануни бер өлеше булып тора, барыннан элек аның үзен бозарга һич тә ярамый!.. – Йола вакытында “аның өчен генә” беркем дә гауга куптармас, билгеле (шуннан файдаланалар да), – ләкин икенче көнне шул жуликның “башын юллап” чыгарга мөмкиндер мөгаен?.. Чынлап та мәчеттәнме ул, мулла рөхсәт иткәнме, итсә ник иткән, юл куйган?! Мулла катнашлы булмаса – катнашлы булуын, контрольдә тотуын ныгытып таләп итәргә!.. – “Татар исламы”, аны яклау да әнә шул булыр!..

...Ләкин без бүгенге көндә, зур тамаша караган кебек, муллаларның, хәтта зур-зур мөфтиләрнең үзара шайтан белсен нинди властьлар, байлыклар бүлешүен күзәтергә мәҗбүрбез... Бер-берсен үтерешә дә башладылар... Безнең татар мәдәниятен танымыйлар, урыс теленә күчеп бетеп баралар... Бер төрлеләре “бер нәрсәгә дә кысылмый”, икенче төрлеләре үз көндәшләренең ничә процентка “сатылган” булуын саный... – Ә юкмы шунда, җәмәгать, күршегездә берәр “белемче” карт бабай, – мөселман йолаларын чын-ихлас рәвештә шуннан гына үтәтеп булмыймы, саф “татар исламы” буенча?.. Гаугачы мулла-мөфтиләрне бер читтә калдырып барысын да?..

Ә кем шикләнә, гөнаһтан курка – Коръәнне алыгыз да укып карагыз (тәрҗемәсен булса да) – ул башыннан ахырына кадәр фәкать Аллага ышанырга, теге дөньяга әзерләнергә үгетли, – анда бу дөньяны нинди хакимнәр, әмирләр, мөфтиләр, имамнар идарә итәргә тиешлеге турында берни дә юк диярлек! (Булганы бу темага карамый.) “Татарча Ислам” да әнә шул буладыр...


Алла кешеләргә күлмәк, ә кыз балаларга хиҗап кидереп тудыра дип беркатлы ышанучыларга:

...1918 ел тирәсендә кайбер татар-башкорт авылларында шундый хәлләр булган: кайбер җиткән кызлар, өсләренә кияргә бер генә дә чүпрәк булмау аркасында, бәрәңге базында утырганнар... (Бу турыда бер документаль башкортча китаптан укыган идем, исеме хәтердә калмаган.) Чөнки агайлары-атайлары сугышта, я инде үлеп беткән, өйдә "байлык" затыннан бернәрсә дә юк, кияргә түгел ашарга да юк... Шуннан, ни дисез – алар үлгәннәр шунда, тегеләйме-болаймы, – бернинди мулла да, шайтан да ярдәмгә килмәгән... Безнең әбиләр әле сөйлиләр иде элеккеләрне, – ә бит чынлыкта ислам дине иркен "чәчәк атып" утырган заманнарны... – Бернинди "ислам әхлагы" килмәгән аларга ярдәмгә, мулла бабай да килмәгән, ипи сыныгы сузарга булса да, – үлгәннәр шул көе бөгәрләнеп ятып... Аннан соң әле 1921 елгы Ачлык килгән... – Аңыгызга килегез, бүгенге татарлар, – бүгенге фанатикларның илгә шундый ук афәтләр китерергә мөмкинлеген, инде әз-әзләп китерә баруын уйлагыз!..


07.2012.  Уфада "гыйбадәт кылучы карт" сынын яндыруга карата:

Яндырганнар диген, ә, рәхмәт төшкерләр!.. Ни генә димә, кемнәр генә булмасын, – ә теләсә нинди байның теләсә ничек шашуына, "куролесить итүенә" юл куймаганнар!.. Ә бит ул сынны бүтәнчә бернинди суд белән дә, чурт белән дә алып ташлатып булмас иде!..


*** Саф иман беркайда юк!

Чын дөресендә дин башлыкларының һәм пропагандистларының абсолют күпчелеге дингә ышанмый, публикада шундый роль генә башкара. Ураза да тотмыйлар алар өйләрендә, намаз да укымыйлар, хәттә күбесе "бисмилла" да әйтмиләр...

Хәтта төрле "ваһаби-сәләфи" секталар башлыклары да ул яктан аерылып тормый, алар да ышанмый бит!.. Шулар ышана – кем я берни дә уйламый башы белән (уйлагычы ватык), яисә кемгә шундый стереотип сеңдергәннәр – һәртөрле сораулар, фикерләр, шикләр – янәсе "шайтан коткысы" уеңа керә башлау белән үк куарга, шундук туксан тугыз дога белән "иманыңны ныгытырга"! Һәм андыйлар байтак сыман: алар дингә генә түгел, “Җир таба күк яссы” дип тә ышанырга бик мөмкин! Алар "саф дин" өчен террор да кылырга бик мөмкин... (Ләкин бары шул очракта – әгәр артларында оештырып биреп, кулына корал тоттырып, кайда-кемне икәнен бармак төртеп күрсәтеп, артыннан этеп җибәрүче булса... Ә андый күрсәтүчеләре, әйткәнемчә, дингә ышанмый аларның.)

Элек тә шулай булган... "Ага-хан" сектасының "мөҗәһит"ләрен наркотиклар ашатып "тәрбияләгәннәр": әйтик, бик каты исертеп, гүзәл бер гөл-бакчага яшь кызлар янына керткәннәр, "оҗмахка экскурсия" дип ышандырып. Теге бахыр ул кызларга тимәгән дә, чөнки үзен "илаһи" бер мәлҗерек баскан булган, җитмәсә аны айныганчы тизрәк чыгарырга тырышканнар. Әмма шуннан соң инде аның "иманын" бернинди бомба белән дә какшатмалы булмаган, үз гомерен дә инде арытаба өч тиенгә дә санамаган.

Кайберәүләр ничек кенә теләмәсен, "без белмәгән ерак берәр җирдә идеаль кешеләр бардыр, иншалла" дигән матур иллюзиягә бикләнмәсен – юк беркайда "саф иман", тагын бер кат ачык күренгәнчә.


"Солтан" кушаматлы ваһабитка :

"Солтан" кебек котырган этләргә зыян итәбез һәрвакыт!..

...Дин, барыннан элек, дөньяга караш ул – дөнья, тереклек, кеше ничек яралган, ничек корылган, ни максатлар белән, үлгәч нәрсә була, һ.б.ш. – менә шуннан, бик күпләр ниндидер югары зат бардыр, кеше үлгәч җаны каладыр дип ышана, әмма башы төзек булган беркем дә хәзер кешенең балчыктан әвәләп мичтә кыздырып ясалганына, Җирнең үгез мөгезенә (яисә кит балыгына) таулар белән бастырып куелганына, үлгән кешеләрнең беркөнне барысы җыелып җәяүләп Израильгә судка барачагына һ.б.ш.га ышанмый – хет чукынып кит!.. (Чукынсаң да асылда шул ук дин.)

...Чын милли хәрәкәтчеләрне, уйлы-фикерле динчеләрне күп үтерделәр инде (тагы да күбрәген башкача "юк иттеләр"), "үзебезнең татарлар" эшләде иң күп очракта, ләкин "идея" өчен түгел, һаман да шул, акчага һәм властька юлны чистарту өчен... Әмма без дә сезнең башыгызга барып җитәргә чамалар корабыз!..


"Дини философия" куертырга теләүче берәүгә:

Дин белән философияне бутама син – философиядә фикер йөртергә мөмкин (Алланың кешегә биргән иң олы нигъмәтен тиешенчә файдаланып, әгәр Ул булса, ә булмаса – безнең олуг табигый миссия буенча); ә диндә – бөтен төр фикер йөртүләр "шайтан коткысы", "бидгать", "ширек", "көфер" дип игълан ителә, – һәм син кайсы ишаныңның сүзләрен кабатлавыңны әйтергә тиешсең, нидер әйтердән алда... Ә ул ишаннар – үзләренә-үзләре "төп чыганак"... – Шуңа күрә, әгәр дөнья турында фикер йөртергә теләсәң, икенең берен сайла башта – я дин, я ирекле философия...


*** 07.2012. "Безнәң гәҗит"тә чыккан Искәндәр Сираҗи мәкаләсенә карата:

Су буе һәм буталчык бу язманы нәтиҗәләп карыйк:

1) Азат Гайнетдиновны да шартлатырга теләгәннәр, тик "органнар" ничектер алдан белеп алганнар да, тикшерәләр... Арытаба – полный томан...

2) И.Сираҗи версиясе буенча, Азат Гайнетдинов терактларның икенче баскыч заказчысы булып чыга, беренчесе – "органнар", һәм шул "органнар" аны хәзер юк итәргә булганнар, чөнки инде эшен эшләгән, бүтәнчә кирәкми... Бөтенесен үзләре оештырган һәм хәзер эз яшерәләр... ("Фантазия"дер, әйе... Ну, фантаст!!.)

3) ФСБ шулкадәр нык тырышып халыкта истерия һәм психоз куптарырга тырыша ки – хәтта уенчык буяу бомбалары шартлатулар оештыра!..

4) Терактны оештырган "органнар" шулкадәр надан, булдыксыз – адым саен ялгыш ясыйлар, кораллары да "пистон" шикелле генә...

5) Терактны Илдус Фәиз үзе оештырган сыман бик тә!.. Үзен шартлатуга заказны аяклары бөтенләй үк сынып бетмәслек итеп кенә биргән!.. Вәлиулладан котыла да шулай җиңел генә, үзенә менә дигән алиби ясый!..

...Бик тә кызык детектив, дәвам итеп шуны өстисе килә, – бу Искәрдән Сираҗиның үзен нигә тотып япмыйлар икән "органнар", матбугат чаралары аркылы шундый провокацион пропаганда оештырганы өчен?.. (Бөтенесен пычратып бетереп, бары тик әле тотылмаган "исламчы фанатикларны" сөттән ак итеп калдырган!)


08.2012. Зөфәр Галиуллинның "Азатлык"та чыккан коткычыл язмасына карата:

Зөфәр Галиуллин бу язмада Габдулла Тукайга карата ниндидер "кара имамнардан": “Нигә ул шагыйрь кисәгенең нәҗесен күтәреп йөрисез? – дип әйттерә... – Әмма андый сүзләр беркайда да басылмаган!!. "Фәлән кешенең бабасы фәлән әйткән", – дигән төсле истәлекләр дә юк!!.Чөнки ул чакта бөтен татарлар хаклы рәвештә Тукайны олуг итеп күргәннәр!!. (Элек аз-маз үпкәләп йөрүчеләре дә хәтта!!.) Мондый хәсис-пычрак уйдырма таратучыны гомумән "язучы" дип атау да язык!!. Күтенә тибеп куарга Зөфәр Галиуллинны язучылар оешмасыннан, әгәр дә мәгәр ул Тукай турындагы сүзләренең ышанычлы чыганагын күрсәтмәсә!!.

...Искәндәр Сираҗи, Зөфәр Галиуллин мәкаләләрендә пычрак яисә яла ягылган, нигезсез рәвештә "органнар ялчылары" һ.б.ш. итеп сүрәтләнгән кешеләр (Азат Гайнетдинов, Илдус Фәиз, һ.б.лар), аларның туганнары, теләктәшләре барысы да гамьсез калмаслар дип фараз итәбез, – кем суд аркылы, кем бугазыннан алып җавап таләп итәрләр бит инде, мөгаен?!..

...Теракт корбаннарына теләктәшлек, тагы да мөмкин булган терактлар һәм террористик басым ясаулар буенча борчылу, тикшерүләргә карата аңлы мөнәсәбәт урынына, үзләренә "милләтче" атамасын тагучы билгеле төркемнәр һәм бәндәләр котырынкы рәвештә теләсә нинди ялганнар сибәргә, исләренә төшкән теләсә кемне һичбер нигезсез мыскыллауларга керешеп киттеләр, иң түбән ялганнардан да чирканмыйча!.. Хәтта тарихтагы Г.Тукай, Г.Баруди, Р.Фәхретдиннәр дә "өлешсез" калмады!.. Элекке риторик сорау яңара – безнең милләт үлгәнме, әллә йоклаган гынамы?! Реаль рәвештә җавап кайтарырга сәләтлеме?!


08.2012. "Азатлык радиосында" 19 июльдәге террор корбаннарын "гаепләү" кампаниясенә карата:

Мөселман гына түгел, барлык халыклар гадәтенчә, кырыгы узганга кадәр, үлгән кеше турында начар фикерне дә әйтмиләр (чын дип санасалар да), алла хөкеменә кысылмаска тырышалар... Ә бу фанатиклар (Сираҗилар, Вәлиуллиннар, Бәйрәмовалар һәм тагын артларында бик зур шайтан көтүе) – шәһит киткән Вәлиулла Якупның, ихлас мөселманның рухын ничекләр пычратырга керештеләр?!. "Мөселманмы" дип сорау да урынсыз – кешемени болар гомумән?!. Кеше булган кеше үзенә кырык яисә хәтта җиде көн дә уйланырга, фикер тупларга вакыт куймыйча, инде сиңа җавап бирә алмый торган рухтан үзенең ниндидер түбән үчләрен алырга керешәме??! Акылыгызга килегез, "саф ислам" әһелләре!!.


08.2012. "Фәйзрахманчылар" сектасын тикшерүләргә карата:

Дәүләт соңгы елларда "террорга каршы көрәш" дигән булып үзенең бөтен оешмаларына полиция каравылы куеп бетерде (бездә җан башына полицайлар саны АКШтагыдан 5.5 тапкыр күбрәк), – ә аерым гражданнарны көчлектән саклау буенча чаралар күрмәде, хәтта элек булганнарын да бетерде:

– Дөньяга туган бала күп җирләрдә теркәлә, мәктәп яшенә җиткәндә аның турында Мәктәп дигән оешма белергә тиеш!.. Бала 1нче класска килмәсә – ныгытып юлларга тиеш!.. Ә бездә чынлыкта аның үлеме-тереме икәнен дә белми башладылар!.. Телевизордан күрсәтәләр, берәү үз баласын унынча каттан ташлаган, дип, – ләкин әгәр ул аны просто үтереп, якындагы газонга чыгарып күмгән булса – моны ничек тә булса белү законда һәм дәүләт органнарының гамәлләрендә каралмаган! Каралган булса, "фәйзрахманчы"ларның җир астында бикләп асраган балаларын да якты дөньяга чыгартучы көчләр табылган булыр иде, инде ун ел элек үк!..

– "Фәйзрахманчы"лар ниндидер билгесез гәүдәләрне әллә кайда урманда күмәләр икән... – Ә кемне күмәләр алар анда? Документы юк, каберенә язу да юк, врачтан карату да юк – ә бәлки үзләре үтереп күмәләрдер? (Һәртөрле террористлар өчен бигрәк тә кулай бу!) Бәлки "уңайсыз" балаларны күмәләрдер?.. Ә бәлки ул күмелә торган гәүдә әле үле дә түгелдер?.. Ә нигә әллә кайда урманда күмәргә, аннары, нигә газонга яисә чүплек башына гына чыгарып күммәскә, тикшерүче, тыючы, җавапка тартучы булмагач?..

...Гарәпләр үзләренең үлеләренә икешәр-өчәр катлы мавзолейлар коралар, ә шундый ук "мөселман" татарларны кабер өстенә исемле казык та какмаса котырталар... – Бу безнең халыкларның истәлеген дә, эзен дә калдырмау политикасы булып тора чынлыкта! (Аларга киләчәктә безнең җир генә кирәк, сөяк-санагыбыз да кирәкми!) Алар шулай ук безнең изге тарихи урыннарны, һәйкәлләрне һәм корылмаларны, бөек шәхесләрне "таныймыйлар" – бөтенесе шул бер идеология!.. (Ф.Бәйрәмованың кайсы "дин" тотканын без күпме сорап әйттерә алмадык – әнә шундыйны тота чынлыкта!..)

..."Фәйзрахманчы"ларга журналистлар "татарлык" турында бер сорау да бирмәгән, әлбәттә, чөнки алдан беләләр, – тегеләрнең "татар халкы" дигән төшенчәдән дә котлары очып тора, ялгыш ычкындырсалар да, чын хуҗалары әллә нәрсә әйтергә мөмкин бит!..

...Теләсә нинди шайтан ялчыларына тулы "ирек һәм демократия" тәэмин ителгән илдә без, гади гражданнар, үзебезне берничек тә ирекле тоя алмыйбыз!.. Безнең теләсә кем теләсә ничек үтерергә һәм теләсә кая күмәргә мөмкин, артык яшеренеп тә тормыйча – бернинди "органнар" да кызыксынмаячак!.. Туган-тумачалар "эзләтергә" бирергә мөмкин, тик ул чакта да бер формаль исемлеккә генә теркәп куярлар (полицайлар барсы диярлек офис каравылы белән мәшгуль)... Кеше алай-болай акылдан ычкынса, – аны әллә ничә төрле шайтан оешмасы сагалап кына тора – "үз иреге белән" берәр базга илтеп тыгарлар, һәм җитмәсә элекке өен, туганнарын таларга, урларга чыгарып кертерләр... Акылы утырып җитмәгән яшьләрне дә әллә ничә төрле иблис командалары вербовать итәргә һәм үзләренә зомби-кол итәргә аңдып-иснәнеп йөриләр, тулысынча ирекле рәвештә!.. Шул максатларда тулысынча ирекле рәвештә котырынкы пропаганда алып баралар!..


08.2012. "Азатлык"та Алсу Кормашның "Фәйзрахманчылар" сектасын яклаучы язмасына карата:

Ачыктан-ачык җинаятьләрне яклый бу тупас материал!.. Иблисләрнең адвокатына рәхәтләнеп истерия котыртырга бирә!.. Бөтен "фикере" – "элек тә билгеле булган", янәсе!..

...Балаларны мәктәпкә дә йөртмичә базда бикләп асраучыларны элек нишләп өстерәп чыгарып утыртмаганнардыр – анысы да бик гаҗәп, әлбәттә. Дәүләт җитәкчелеге, хокук саклау органнары, рәсми дини оешмалар җинаятьчел рәвештә "тик утырдылар" моңарчы, иң элементар вазифаларын да үтәмичә – төп сәбәп шунда, һәм аның өчен гаеплеләрне дә җавапка тартырга кирәк бераз!.. Үз балаларын коллыкка тапшырган ата-аналарга да тиешле чара күрергә кирәк!..

...Боларның җитмеш җиде төрле "ислам диннәрен" барысын да "хөрмәт итә" башласаң – аларның яртысыннан күбесе шул үз сектасына кермәгән теләсә кемне үтерергә дә куша, – "хөрмәт итә-итә" үләргә дәме безгә?!. Әллә муеннарын борыргамы үз вакытында фаш итеп?!.

...Мөселман кардәшләр, – җир астында кол итеп бикләп асралган мескен балаларны телевизордан күргәч тә күңелегез дертләп алмадымыни соң?.. Мин үзем, юкса, әле дә тынычлана алмыйм, – кайдадыр безнең аста базларда ниндидер сабыйларның тере килеш гүр газаплары чигүен (әле дә чигәргә мөмкинлеген) уйлап, үземне дә шуңарга күпмедер гаепле дип тоям... Башына чалма ураган һәр клоунга соклана идек бит бервакытларны, фамилиясен дә сорамыйча, "вөҗдан иреге" дигән принципка сылтанып... Тукай әйтмешли: "Шайтан икәндер, – белмәдек!".


"Азатлык"та Фәүзия Бәйрәмованың "Фәйзрахманчылар" сектасын яклап язуына карата:

Син үзеңнең тоткан бер динеңне атап күрсәтәсеңме халыкка, ахыр чиктә?! Ислам диненең кайсы мәзһәбе яки сектасы?.. 7-8 яшьлек кыз балаларны башларына капчык бөркәп караңгы базда бикләп асрарга нормаль Ислам дине кушмый, кызларга шәригать кагыйдәләре 12 яшьтән куела башлый, – ә синең үз тоткан динеңдә ничек?!.

...Балаларны мәктәпкә йөртмәү дөньяви закон белән тыела, – әммә шуны яклаган, пропагандалаган, һәм мөгаен оештырган өчен нишләп сине дөньяви закон буенча хөкем итмиләр?!. Нишләп хокук саклау органнары күз йомалар?!. Туктап тор әле – без әнә шул "күз йомучылар"га да барып җитәргә мөмкинбез берәр вакыт!..


08.2012. Казанда террорчыларны хуплап оештырылган митинг һәм пикетларга карата:

"Милли активистлар" түгел, ә ислам экстремизмы активистлары, дин башлыкларына террор актлары оештыручыларны яклаучылар!.. Аларның "милли" булуларын күргән юк, татар милләте файдасына бер генә эш тә эшләп күрсәткәннәре булмады!.. (Чөнки яклый торган "ваһаби-сәләфи" диннәре милләтләрне бетерергә куша!)

Халык та кем икәннәрен яхшы аңлый һәм аларга каршы: юри карарга да килми, "яклап килгән" дип уйламасыннар өчен! "15ләп кеше җыелды" дигәнегез – шул ук журналистлардыр әле, һәм ике-өчесе "граждански" полицайдыр... Ә нәтиҗәдә – чурт та булмый аларга, чөнки чынлыкта татар милләтен җимерүчеләр буларак "бик кыйммәт" торалар!..

...Үзләренең артлары төти башлагач алар плакатларын типографиядә төсле итеп бастырганнар!.. Әлбәттә русча, бүтән бөтен кәгазьләре дә гомергә русча булды – ә судта тәрҗемәче сорап "этләтәләр" икән, әй, иезуитлар!..

...Ә Айдар Хәлимне күрегез – ничек чыдап ята, дисәк, – ялт килеп тә чыккан, менә, ислам террорчыларын, кеше үтерүчеләрне, милләт корткычларны яклашырга!.. Гомерендә кайда туена, үлгәндә дә шунда тәгәрәп үләдер шул ходайның мәхлуклары...


08.2012. Болгар кунакханәсе каршындагы "конференция" өчен Ф.Бәйрәмова төркемен судка тартуга карата:

"Конференция өчен гаеплиләр"??. Мең сум штраф салырга җыеналар инде алайса, барыгызга бергә?.. (Эш эшләгән атлы булып...) Ә террорчыларны яклап пропаганда куптарган өчен, шуларны яклап оешма аркылы эш иткән өчен, дезинформацияләр тараткан өчен, бик күп шәхесләргә һәм оешмаларга нигезсез-дәлилсез пычрак ялалар яккан өчен бернәрсә дә кузгатмадылармы өстегезгә, аларын "күрмиләрме"?!.

Монда бит, минемчә, бөтен Казанны күтәреп йөз меңлек митинг үткәрергә кирәк, – иң элементар законнарның үтәлешен таләп итеп!.. Дәүләт, хокук саклау һәм дин оешмаларының үз вазифаларын үтәүләрен таләп итеп!.. Дини экстремистларның дәүләт тарафыннан яклануын фаш итүне таләп итеп!..

Һәм тагын бер митинг файдалы булыр иде – Татар халкының милли интересларын җинаятьчел рәвештә дини-фанатик интереслар белән алмаштыруга каршы!..

Шуларны яклаучы бер "Мөнир"гә:

Гадирәк кара, кем "Мөнир", – кунакханәгә респектабльле кешеләр килеп урнаша, мадамнар һәм мистерлар, ә шунда кинәт берәүләр, чын максатларын администрациядән яшереп (я әйтми калдырып), җыен ислам экстремистларын "эчке митинг"ка җыялар!.. Көн тәртипләре – яңарак кына урамда мөселман башлыкларына каршы террор актлары оештыручыларны, кеше үтерүчеләрне яклау!!. "Татар кешесеме?" – дисең – татар кешесенең барысына караганда бигрәк чәчләре үрә торырлык бит!!


08.2012. ЮС депутаты һәм "Татар Конгрессы" түрәсе Фәрит Мифтаховның "Кадимчелек динен" кайтарырга котыртуына карата:

Бер чиктән качып икенче чиккә ташланырга өндисез, чебеннән качып сазга чумган шикелле!.. "Кадимче мәдрәсәләр" 20нче гасырда да "Җир таба күк яссы" дип өйрәтеп, татарларга чалбар, кепка киюне, помидор, гөмбә, кәбестә ашауны тыеп яттылар!.. Шуңа күрә халык алардан: "Күп яттык без мәдрәсәдә, – аңламадык бер нәрсә дә!" – дип җырлый-җырлый шатланып китеп барды!.. Бу заманда яңадан терелгәч тә, муллалар тиз арада байлык һәм "власть" өчен талашып беттеләр!.. Һәм, әле билгесез – "фанатиклар" оештырганмы терактларны, әллә шул "традицион"нар нибары үзара акча бүлешкәннәрме?..

...Ә нишләп башыгызга Дөньяви җәмгыятьне ныгыту турында уй килми икән?.. Шул исәптән Милли-дөньяви җәмгыятьләрне яңадан тергезү турында?.. Татар телен коткару чаралары турында?.. Балаларга татар телендә белем бирүне яңадан терелтү турында?.. Татар телендә эшли торган һичьюгы бер яхшы сыйфатлы, демократик Интернет сайты ачу турында?.. "Икетеллелек турында закон"ны ниһаять гамәлгә кертү турында?..


08.2012. Яшел Үзән юлында машинада шартлаган 4 террорист турында:

Бер нәрсәдә икеләнмәгез – боларда бернинди иман булмаган, бөтен эшләрен фәкать акча өчен эшләгәннәр!.. Иманнары булса, 19 июльдә үк әле: "Дөрес үтерәбез микән соң бу мөселман-татар туганнарны, моның өчен Алла, хур кызлары бирәсе урынга, безне җиденче кат тамугка атмас микән соң?" – дип азрак булса да шикләнерләр иде... Ваһаби-сәләфи башлыклары күп акчалар түләмәсә, бу бандитлар барыбер квартир талап, юл басып, кеше үтереп йөрерләр иде!..

...Шатланырга кирәктер, Рамазан бәйрәмендә халыкны тагы да күпләп үтерер өчен Казанга бер машина шартлаткыч алып кайтканда үзләре гөп иткәннәр, ходайның рәхмәте! – дип!.. Әмма, шуның белән генә әле токымнары корымаганны да истән чыгармаска кирәк!..


08.2012. "Мәет ашына йөрмәскә" котыртучы бер ваһабитка:

Синең "мәет ашына йөрмәү" (өчен-җидесен-кырыгын үткәрмәү) дигәнең, каберләргә рәшәткә һәм таш куймау белән бергә, Утка табынучылар (Зороастризм) йогынтысында барлыкка килгән секта идеологиясе булып тора... Аларда үлгән кешене биек җиргә таш өстенә куялар, козгыннар чукып ашасын дип, ә калган сөякләрен бер тирән үләт чокырына ташлыйлар... Тере чакта да тәнне "нәҗес" дип саныйлар, аны җәфалау, түбәнсетү җанны югары күтәрә дип ышаналар... Үлмәслек кенә ашыйлар, ярым-шәрә йөриләр, үз сыртларын үзләре камчы белән кыйныйлар... Үзләре табына торган бер ярым-мифик юлбашчыдан башка бернәрсәне дә хөрмәт итмиләр, изге корылмаларны һәм каберләрне җимерергә мөмкиннәр...


06.2012. Каргалы авылында ирләр аерым, хатыннар аерым "ботка пешереп" "исламча җыен" үткәрелүгә карата:

Муллалар чик-чама белми азына башладылар, халыкка үз золымнарын салу буенча!.. Сабан туена "альтернатива" чыгарганнар, шулай итеп, менә!.. Һәм нинди тупас-кыргый формада!.. Мондый хәлләрнең бит иң караңгы гарәп илләрендә дә булганы юк!..

...Ә дин нәрсә куша икән соң, чыннан да?.. Мисал өчен, әйтик, бәрәңге шытыгын утарга кирәк ди, – базга хатын-кызлар төшеп утырырга тиешме, ир-атлармы? Әллә бу очракта кешеләрнең бот арасын тикшермәскәме?.. Мөхәммәт пәйгамбәр ни әйткән?.. Хәер, аның заманында бәрәңге булмаган...

...Яисә башка мисал: хатын-кызның матурлыгын шайтан яралткан, ирләрне аздыру өчен, шуңа күрә ул яман нәрсә... Ярый, килештек тә ди, икенче мисал: алтын да бик матур, аны да шайтан яралткан бит инде... Энҗе-мәрҗән, асылташларны, шуннан ары тагын бүтән байлык-зиннәтләрне дә бит инде алайса... – Ярый, шуннан нәтиҗә ясыйбыз: дөньяда матурлыкларны шайтан яралткан, җыен яманлыкларны гына алла яралткан булып чыга...мы??. – "Пештеренмәгез!" – диләр иде бездә андый турында – матурлыкларның барысын да алла яралткан, күрсәтер өчен, кулланыр өчен!.. Гел динсез кешеләр дә матурлыкның кая хәтле барып, кай төштән соң оят һәм хурлык, ямьсезлек башланганын бик беләләр – ул тойгыны да кешеләргә алла биргән булып чыга... Ә сүз белән аңлата башласаң – берничә том калын роман да җитмәс, – димәк, аның чиген дә кешеләргә алла тоем аркылы биргән... – Аның өчен дә әллә нинди мулла әллә каян отып кайткан этлекләр кирәкми!..

...Ә кем әйтте әле сезгә аларның үзләрен шайтан котыртмый дип, именно менә безне котырта дип??. Ә киресенчә түгел микән соң?.. Кем белә, бәлки именно без йөрербез "тегендә" баргач оҗмах рестораннарында (тамугка бәлеш кисәкләре ташлый-ташлый, каравыл күрмәгәндә)?..


*** Муллалыкка укырга теләүчеләргә:

Муллалыкка укымагыз, яшьләр, мәдрәсәләргә бармагыз!.. Чөнки:

– Дини ажиотаж – мода яисә психоз төсле ул, бер кабара да бер шиңә – инде шиңү стадиясенә керде. Мәчетләргә 6-7 алҗыган карт йөри, ничә еллар куәтле "дәгъвәт"ләрдән соң да, алары да күрешеп сөйләшер өчен. Эшсез я эш хаксыз калырсыз...

– Эткә таяк ыргытсаң "рухани"га тия хәзер, бер-берсенең бугазларын чәйнәшүләрен күр!.. Ә дистәләрчә мәдрәсә һаман яңаларын штамплый...

– Алла бәлки бардыр, әмма диннәр дөрес түгел алар!.. Алла, әгәр булса, кешеләргә үз урыннарында үз аңнарынча дөрес яшәргә кушкандыр, ә түгел кайчан нинди әфсеннәр укырга үзен мактап, һәм кемгә күпме түләргә, шырт иткән саен...

– Бу дөньяга баксаң – дин тотмаучылар дөресрәк яши, бозыклыклары һәм җинаятьләре азрак... Азат һәм иркен яшиләр, беркемгә дә манкорт я мөрит булмыйча, күңелләре кушканга күбрәк буйсыналар... Күбесе тиеш чакта Аллага ялварырга һәм аннан куркырга да онытмый, мәгәр...

– Бөтен дөнья бүгенге көндә нәкъ менә динчеләрдән курка!.. Интернет форумнарын гына укып карагыз – нәкъ менә дини фанатиклардан күпме агрессив янаулар, күпме пычрак ялганнар, психопатик истерияләр!.. Алланы да алар җитмеш җиде төрле итеп күрәләр, бер-берсенә дә хәттә кан дошманнар!.. – Сезне дә берәр төрле "җиһад"ка тартып керткәннәрен сизми дә калырсыз!.. Акча да селкеп күрсәтсәләр...


*** 08.2012. Россия һәм Татарстан башлыкларының терорризмга карата булдыксызлыгы турында:

Терактлардан соң Россия һәм Татарстан башлыклары бары үзләренең сәләтсез, "җебегән" булуларын күрсәттеләр: 1) бер гаеплене дә тота алмадылар, 2) оештыручы һәм котыртучы бер "лидер"га карата да кискен чара күрмәделәр, 3) террорларны яклап купкан законсыз пропаганда акцияләренә ирек куйдылар, 4) үзләре бернинди пропаганда-аңлату эшләре алып бармадылар, РТ президенты, премьеры, әйтик, бер сүз дә әйтмичә (кибет ачылуларга йөрүен дәвам итеп) калды, депутатлардан да журналистлар һичбер анык сүз сыгып чыгара алмадылар, 5) "традицион" дин әһелләре дә асылда бернинди бәя бирмәде, чара күрмәде, үгет-нәсихәт кузгатмады... – "Бетлелеккә тикшерү" диләр моны: менә шулай икәнен, шулай булачагын белделәр террорчы-экстремистлар, алга таба инде кыюрак һәм дәртләнебрәк эш итәрләр дип көтегез!..

Бөтен дөньяда чын рухи-мәдәни-милли кыйммәтләрне бастыру, томалау, өскә чыгармау политикасы алып барыла хәзер – алардан куркалар нишләптер, ә сәбәбе – милли азатлык хәрәкәтләре күтәрелүдән һәм "сепаратизм"нар көчәюдән курку булса кирәк... Алмашка "зыянсыз" тоелган ялган кыйммәтләр тәкъдим ителә: аллага табын, дога укы шырт иткән саен, теге дөньяны кайгырт минут саен һ.б.ш., ә "бу дөньяда" – бер үк төрле стандарт азык ашап стандарт кием киюеңнән, ниндидер стандарт "винтик" эше эшләвеңнән канагәть бул... Үсеш, алгарыш, камилләшү, нинди дә булса идеалларга хезмәт итү максатларына алмашка исә "тотрыклылык" лозунгысы күтәрәләр... Кемнәр өчендер ул бик шәптер бәлки, ләкин әгәр бүтән кемнәрдер бүгенге тормышларыннан канагәть булмасалар, – алар ул тынчу "тотрыклылыкны" бозарга форсат кына көтеп торачак бит инде... ("Переменнн!!!" – дип җырлыйлар иде бар да Перестройка чорында...) Бигрәк тә яшьләр...


15.09.2012. “Мөхәммәт пәйгамбәрне хөрмәтсезләгән” фильм уңаеннан купкан гаугаларга карата:

Мөселманнар фикеренчә, үзен “алла улы” дип таныткан Христос – ялганчы һәм аферист; ә христианнар фикеренчә – “алладан күрсәтмәләр ишетәм” дигән Мөхәммәт шундый... Дин тотмаучылар фикеренчә исә – бөтен диннәргә дә ялганчы һәм аферистлар нигез салган!.. Шулай булгач, нинди “үзара хөрмәт” ди ул?!. Чынлыкта идеологик дошманнар арасында килешмәүчән көрәш бара, ә бөтен проблема сүзләргә каршы сүзләр белән көрәшүгә, көч куллану һәм мәҗбүр итүләрдән тыелуга кайтып кала түгелме?

Көч куллануга барып җиткәч кенә дерт итеп аңга килергә кирәкми, мәгәр, – шуннан күпкә алдарак сүз-фикер иреген тәэмин итәргә кирәк!.. Бүген бездә, менә, барлык хәбәр чараларында бары тик диннәрне мактау, пропагандалау гына рөхсәт ителә, аларны тәнкыйтьләү фактта тыелган!.. Кая карама – фәкать муллалар да поплар сайрый теләсә нинди үз ялганнарын!.. Ә “Диннәр ялган!” – дип, шуңа аермачык дәлилләр китереп сөйләргә теләсәң – бөтен юллар ябык, алай да бер “ярык” табып әйтә алсаң инде әгәр:  “Хөрмәт итмисең!” – дип котырынып ташланалар!.. – Әйе, без аларны хөрмәт итмибез!!. Шул турыда сөйләр өчен аларныкы белән тигез хокукларыбызны бумагыз!.. Сайлап цензура ясамагыз!!.


"Россия мөфтие" Равил Гайнетдиннең асылда экстремизмны яклап чыгыш ясавына карата:

Бу Равил Гайнетдин ике урындыкка берьюлы утырырга тели сыман – Мәскәү властьларын да тәнкыйтьли, Татарстандагы "традицион ислам" башлыкларын да чүпкә чыгара... Террорчылык өчен дә гадел нигезләр бар булып чыга аныңча, тик чамадан арттырулары гына начар булып чыга... Ул җәһәттән ай ярым буена дәшми утырды, үзенең тиздән сайланасы булгангадыр бәлки?.. (Ә кемнәрнең "кәефен кырырга" теләмәгән, ул чагында?..) Радикаль дини-фанатиклар тарафыннан "потларга табыну урыны" дип пычратылган Изге Болгарга килү урынына "Ингушетиянең 20-еллыгын" сайлавы да бик сәер – шул ук бер "тегермәнгә су кою" шикелле бик тә!..


07.2012. Рус телле "Әл-РТВ" каналы ачылуга карата:

Менә, "дин һәм дәүләт", "дин һәм милләт" сорауларына ап-ачык җавап үзеннән-үзе килеп чыккан, озак көттермәгән, аңлыларга аңларлык: 1) Ислам динен Россия дәүләте органнары күтәрә һәм пропагандалый (Конституцияне бозып); 2) Ислам дине бүгенге көндә Россия халыкларын урыслаштыруның иң эффектлы коралларыннан берсенә әверелде...


19 июль терактыннан соң Казан мәчетләренә полиция постлары куелуга карата:

Ә сез әйтәсез, полиция һәм ФСБ төрле "астыртын" алымнар белән эш итә дип. – Алар һаман шул "үз белгәнен" эшли, иң тупас рәвештә, – ишек төбенә каравыл куя, үз кадрларына тагы да "тузансыз" эш урыннары арттыра!.. Ә бер килеп баскан урыннан алар инде китмиләр!
...Менә аңлат шуларга моннан ары, ничәнче елда нигә туганыңны, исбатла ваһаби түгеллегеңне, күрсәт билеңне чишеп, бомба урамаганыңны...

...Ә террорчы-бандитларга нәрсә – аларга бит, мөгаен, эш кушучы ияләре беруңайдан традицион татар мәхәлләләрен таркату бурычы да йөкләгәндер...


07.2012. "Тоткарланучыларга КПЗда ураза вакытларын әйтмиләр!" дип шау куптаручыга:

Тоткындагы кешегә ураза тотарга кирәкми, догаларны да шартына күрә кылса ярый – шәригать шулай куша!.. Сез нәрсә күпертәсез шулчаклы, мин аңламыйм?..

Сезнеңчә әллә соң үтерүчеләрне эзләү начармы, тапмасалар яхшымы?.. Җәзасыз калып тагы да котырынсыннармы?..

Полициянең терактлар уңае белән "куллары озаеп китү" беркемгә дә комфортлы түгел инде анысы, – ләкин тотып бирегез үтерүчеләрне үзегез, алайса, җәмәгать!.. Бик күпне дә беләсез сыман... "Органнар вәкиле" булып чыкса – кем каршы, бигрәк тә яхшы!..


08.2012. "Терррорчылар урманда лагерь корып ята" дигән хәбәргә карата:

1) Ну, Зиннур Әһлиуллин белән кызыксынганнардыр инде, – әгәр ул өендә утырса, бигайбә (әйттем исә кайттым) – ул гына элек урманнарда "компромиссыз көрәш" оештыру турында хыяллана иде...

2) Бу заманда һәр квартир – кирмән (инглиз мәкале буенча), – урманда качып "лагерь" ясап ята икән әгәр кемнәрдер, – болар ахмак; аларның урманга кереп киткәнен иң баштан ук сыртыннан күзәтеп калмаган полицай да ахмак!.. (Аның квартал премиясен кисәргә кирәк!)

3) Ә ахмаклар бездә санап беткесез, мәгәр... "Утсыз төтен булмас" дигән фикер кала... (Корал складлары квартирга гына сыймаска мөмкин, аннары... Шәһәрдә склад бинасы бетмәгән, ләкин, әйтәм бит – ахмак булырга мөмкиннәр.)

4) Ә ул җенле егетләр без татарларга кирәкме? Алар без татарларны беттән булса да коткарырмы, "аллаһәкбәр!" кычкырып кузгалсалар?.. Ә Алланың "әкбәр" икәнлеген без алардан башка гына белмибезме?..


*** Алла ничек яшәргә кушкан?..

Сез теге дөньяга баргач, анда христиан алласы булса – ни дип җавап бирерсез?.. Ә чукча алласы булса?... Ә юмба-мумба алласы булса?.. – Менә шуңа күрә дә без әйтәбез: Алла, әгәр дә ки булса – кешеләрне үз урыннарында үз аңнарынча ничек дөрес яшәүләренә карап хөкем итәр!..
...Алып карыйк XI гасырда Тәре сугышына киткән бер французны... – Ул бит чын-ихлас күңелдән киткән, дине өчен үләргә риза булып, бөтен бәхетен шуның өчен корбан итеп!.. Алла, әгәр булса, аны оҗмахка кертер дип уйларга кирәк, чөнки (фараз итәбез) – Аллага фидакарьләр кирәктер... Бүтән төрлеләр кирәксә – инде үзе белә торгандыр...
...Үземә килгәндә, – мин үз урынымда шушы әйтә торган сүзләремне әйтергә, үзем дөрес дип санаган юлдан барырга бурычлы дип саныйм... "Аллага кысылмасам" ни булыр иде – бик "әйбәт" булыр иде... Әмма мин күңелдә ялган хорафатлардан изелгән, золым ителгән миллионнарча татар туганнарны күздә тотам һәм шуларны кайгыртып язам... Мин шуңа сәләтле – мин шуны эшләргә тиеш!..


08.2012. "Урыслар Казанда тәре йөртә" дип шау куптаруга карата:

Нигә сез гелән Тәре йөрешенә кысыласыз, вакыйга күргән шикелле?.. Теге яктан шундый ук сезнең кебекләр: "Мөселманнар урамда сарык суя!" – дип шау куптаралар... Нәрсә күтәреп йөрсә дә ирек түгелмени илдәге гражданнарга?.. Кыш көне бәкедә су коенырга төшүчеләргә дә ажгырасыз... Туктатыгыз бу ахмаклыкны!..


07.2012. "Атеист"лар һәм "Коръән серләре" турында:

Моннан 20-25 еллар элек бөтен халык "атеист" иде, үлгән кешене күмгәндә дога укучы да табалмыйлар иде... Хәзер нәкъ киресенчә: "мин атеист" дип әйтү түгел, "мин дин тотмыйм" дип кенә әйтүчене дә табуы кыен... Икейөзлелек халыкта шулкадәр киң таралган!..
...Гариф Гобәйнең "Коръән серләре" китабында анда бер ялган да юк иде – укып чагыштырып карагыз ике китапны да... Әлбәттә, бәяләр "сугышчан атеизм" стилендә "ачы көлү" белән бирелгән иде, заманының стиле шундый иде чөнки... Ләкин, әйтик, "Споры с безбожником" дигән киң билгеле китап югарыракмы әллә?... (Автор үзенә уңайлы ахмак кына сорау куя да, шуңа рәхәтләнеп үзе җавап бирә, җөмлә саен алдашып, җитмәсә... Яртысы ислам динендә зур гөнаһ саналган "саннар магиясе"ннән тора.)

 

ТАТАР ТЕЛЕ, МӘДӘНИЯТЕ....

I Йолалар, бәйрәмнәр I Театр I Һәм башка... I


08.2012. Рүзәл "Юсупов"ның "татар телен төзәтү" буенча чираттагы бер идиотизмы уңаеннан:

Мисалларның иң зур күпчелеге дөрес түгел, гаҗәпкә каршы!.. Берничәсен генә алып карыйк:

– Татарча "көнчыгыш телләр" була, чөнки бу очракта "көнчыгыш" – сыйфат сүз ("нинди телләр?");
– "Урыс телле" – дөрес, чөнки бу очракта да "урыс" – сыйфат сүз;

– "Руль артында", "өстәл артында" дип сөйләшәләр тиешле урында!.. "Рульгә утырдым" дип тә сөйләшәләр хәтта, анысы да бик дөрес!;

– "Диплом өстендә эшләү" – чын татарча, чөнки нәкъ менә татар телендә фигыльләр ярдәмлек сүзләр белән еш ясала. "Машиналар килеп тора", "хәлләр булып ята", әйтик;

– "Мәскәүгә очты" дип әйтү дөрес, халык гел шулай сөйләшә, Р.Й. нәрсәсен ошатмыйдыр;

– "Тирән кайгы" кебек фразалар дөрес, чөнки монда "тирән" бернинди калька түгел, ә күренешнең табигый сыйфаты булып тора, нимесчә дә, инглизчә дә, кытайча да "тирән кайгы"...

...Үз фамилиясен татарча текстта да урысча язучы "тел галименнән" ни көтәргә мөмкин?..

...Менә шушылай бук чәйнәп утырдылар ул галимнәр татар теле өчен хәлиткеч дәверләрдә, алга глобаль мәсьәләләр килеп басканда да!.. Җинаятькә тиң!!.


*** Милли гаилә этикасы турында:

Гаилә этикасы, җәмгыять этикасы татарларда элекке заманда да бик булган, һәм аны "Юсык" дип атаганнар (безнең әби-бабайлар ул сүзне белә иде әле)... Һәм аның дин-шәригатьтә телгә алынмаган кагыйдәләре дә күп кенә... Чөнки, күпме генә алдашмасыннар, Коръәндә бер-ике өзек-төтектән башка бернинди кагыйдә-өйрәтмә юк, хәдисләрдә аз-маз гына борынгы гарәп кагыйдәләре бар (ыру-кабилә һәм колбиләүчелек стройларына хаслар)... Ләкин, нәкъ менә шул мәсьәләне хәл итү рәвешендә дип аңларга кирәк, – Коръәндә берничә җирдә "Гадәт буенча эшләнсен" – дигән сүзләр бар. Ягъни, ислам дине халыклырның гадәтләрен, юсыкларын, мәдәниятләрен законлы, кануни дип таный!..


Июль. Питрау бәйрәменә карата:

Элек бөтен татарларга да хас булган "Карга боткасы" инде бу төп асылында... Печәннән соң уракка төшкәнче вакытны чамалап үткәрелгән бугай; аерата дини яисә "мәҗүси" төсмере булмаган, бала-чагага һәм яшьләргә ирмәк өчен оештырыла торган берничә "ырым"ны санамаганда... Муллалар бетерткән, карганып та төкеренеп, уйнап-көлгән өчен җәһәннәм утлары белән янап!.. Яңадан торгызырга иде "мөселман" авылларда да...

...Аның бер күркәм йоласы – яңа борчак белән арыштан яшел ботка пешергәннәр: быелгы уңыштан беренче тапкыр авыз иткәннәр. Авыз гына иткәннәр дә, калган күбесен җиргә сипкәннәр – яңарак кына оядан очып төшкән карга балаларына сыйланырга...


07.2012. Себердә “Искер җыены” үткәрелүгә карата:

Сәнгатьчеләр тирән кризиста утыра һәм яңа темалар, яңа формалар эзли, яшәргә тырышып... Тик бу очракта шунысы борчуга сала – Себер татарлары бу "хәрәкәт"не татарча сөйләшеп һәм язып оештырырлык хәлдә түгел микәнни, бөтенесе урыс телле туристларны җәлеп итү өчен генә микәнни?.. Ни өчен алар бөтен плакатларын урыс телендә генә язганнар??! Ну, ясап куярлар ахырда бер оригиналь скоморохлар ансамбле, шулай ук русча концертлар куя торганны (Себер татарлары тарихыннан комедия ясап)... Әмма, бу "милли яңарыш" галәмәте булсын өчен, – иң баштан ук татарча һәм татарлар өчен эш итәргә тиешле иде түгелме?..


*** 08.2012. Г.Камал ис. Драма театры турында:

"Сугышчан пролеткульт" жанрында (һәм мөгаен заказ буенча) язылган "Зәңгәр шәл" һәм "Наемщик" спектакльләренең тарихи әһәмияте юк түгел, ләкин шуларны бүгенге көндә дә сәхнәләштереп яту – Камал театры өчен хурлык һәм мәсхәрә ул!..

..."Халык әллә мин уйлаганча ук ахмак түгел микән?" – дигән шиккә калдым әле бераз, – шундый мәсхәрәләргә йөрми башлаган икән бит... Ә театрчылар, аптырагач, шырды-бырды "Салават концертлары" куйдыра башлаганнар икән, татар милләтенең иң югары Драма сәхнәсендә...


*** 05.2012. Татарстан Язучылар берлеге корылтаенда "рәис алмаштыру" уңаеннан:

Яхшы башлангыч!.. Инде эстафетаны Чаллыга юнәлтеп, Чаллы язучылар берлегеннән Вахит Имамовны алып бәрергә кирәктер!.. – Язучылык сәләте юк, бөтен килбәте белән дә, сүз һәм гамәлләре белән дә – Күсәк, тегеннән-моннан күчереп алып һәм үзеннән ялганнар өстәп төрле тупас җәнҗаллар язу белән дан казанды; Чаллының "Мәйдан" журналын чүплек башына әйләндерде (реклама һәм Казандагы дусларының чүп-чарын җыеп алып кайтып тутыра); Кама аръягы төбәгенең бөтен иҗади көчләрен корытып бетерде; булган акчаларны җыен психиатрия клиентларының (үз әшнәләренең) акылдан язган китапларын чыгартуга түгә; кешеләр белән элементар рәвештә сөйләшә дә белми; тормышның бернинди вакыйгаларына да актив катнашмый, фикерләр әйтми (сәләтеннән килми)... Мәгәр эрелек ягыннан күркәдән куәтлерәк!.. – Күпме үчтекләп йөртер икән татар милләте шул албастыны тагы да?!.

 

БЕЛЕМ...


Бөтен фәннәр дә татарча укытыларгы тиеш, диючегә:

Алга максатларны дөрес куярга кирәк бит... – Югары классларда табигать фәннәрен татарча укыту реаль нәрсә дә түгел, максатка ярашлы да түгел... Чөнки: 1) Андый укытучылар юк, теләгән очракта башта аларны зур дәүләт программасы төзеп яңадан әзерләргә кирәк; 2) Фән-техника эшләре хәзер бөтен җирдә русча гына алып барыла, ә фән укыту ул "теге дөньяга" әзерләү түгел, монысына әзерләү; 3) Бөтен дөньяда фәннәрне җитди дәрәҗәдә инглизчә укуга күчеп баралар; 4) Ата-аналар һәм балалар үзләре реаль булмаган телдә фән укуга каршы булачак...

Шуңа күрә, "тулы булмаган" белемдә физика, химия, биологиянең иң төп төшенчәләрен татарча бирү максатын кую гына реаль, аны да плакатлар белән хәл итеп булмый... Минемчә, бүгенге хәлдә балаларга термин һәм төшенчәләрнең ике телдә тәрҗемәләрен бирү, татарча фәнни-популяр уку-ярдәмлек китаплары чыгару, вузларда исә мәктәп фәннәрен татарча да аңлатырга өйрәтү "курслары" оештыру турында уйларга кирәк... "Көрәшергә" бик ашкынучылар булса – әнә шуларны эшләүчеләргә, бигрәк тә укытучыларга реаль (гарәпчәсе "матди", татарчасы "акчалата") ярдәм күрсәтсеннәр!..

 

ТАТАРЧА ПРОГРАММАЛАР, САЙТЛАР һ.б.ш...

I Электроника һәм белем I Һәм башка... I


Татар телен өйрәнүчеләргә:

Татар телен "өйдә утырып" өйрәнергә теләүчеләргә иң яхшы ярдәмлек – Русча-Татарча электрон Тәрҗемәче ("Татарча") – http://tatarca-text.narod.ru сайтында... Инде дүрт елга якын таратыла, шуның ике елында – бушлай!..

...Татарстанның дәүләт, мәгариф, информатика җитәкчеләре моннан 17 ел элек гамәлгә кертелә башлаган, татар халкында киң таралыш алган, барлык татар матбугат чараларында диярлек гамәлдә кулланыла торган бу Татар теле программалары пакетына каршы намуссыз саботаж ясап утырдылар һәм утыралар!.. Ул программалар, югыйсә, хәтта министрлыкларның компьютерларына да куелган, тик авторның рөхсәтеннән башка һәм аңа тиешле хакын түләүдән башка, аңа программалар өстендә эшләү өчен минималь шартлар тудырудан башка!.. Без бу турыда күп яздык, күп җирләргә, бөтен татар халкы белә, – тик бюрократларның тиреләре калын!..


09.2012. "Азатлык радиосы" сайтына безнең караш:

"Азатлык радиосы" элек татар милләте яклы булган элгәрләренә хыянәт итеп, бүгенге көндә милләткә корткычлык итүчеләр файдасына эшли... Алар "исламчы"ларга акчага сатылганнар, күпчелеге ике җирдән эш хакы алалар... (Исламчылардан "бүләк" алмаганнары юктыр да бәлки, барысын да белмибез.) Без әле аларны Татар тарихына язарбыз, исән булсак, яисә рухи яктан исән булган бүтән татарлар язар!.. Бер генә үкенеч – аларның анда кайгысы юк, аларның бүген корсаклары туйса, шул яхшы, – иртәгә дөнья бетсә дә, аларга барыбер!..

...Мине "үлгән" дип сөенүчеләргә – сез инде шундый биш-алты очракны белмичә үткәреп җибәрдегез, ахмаклар, – мине хакимиятләр эштән куганда сөенергә кирәк иде, унике һәм алты ел элек, аннары мин Татарча-Русча Тәрҗемәче ясап, өч ел буе юньләп чәй дә эчмичә өстендә утырып, ахырда "Татар Дәүләте" шул хезмәтләрне "чиртеп очырганда"... Сез аны белми дә калдыгыз!.. Сездән без чирканабыз!!. (Ә җиденче тапкырында без мөгаен инде үзебез дә разый-шат булырбыз, анысын да сез пычракларга калдырмыйча...)

...Ә сез пропагандалый торган "Татар фашисты" – ул иң җирәнгеч фашист, – безнең милләт әле сезнең ул "героегызны" иң зур мәйданнарга чыгарып асар бервакыт, уянып аңына килеп!.. Шунда берәр "Азатлык радиосы" журналисты да булыр, иншалла!..

 

...Татар халкының иң пычрак сатлыкҗаннары – Вил Мирзаянов һәм Фәүзия Бәйрәмова – белегез шуны, татарлар!!. Чөнки, барыннан элек, шул ике бәндә Татарстан дәүләтчелеген бетерү өчен тырышалар, шулар Татарстан дәүләтчелеге бетерелгән көндә шатланып, хуплап, көлеп торачаклар!!. Бу моңарчы булган чын татар милләтчеләренең иң яман төшенә дә кермәс иде – әмма алар әнә шундый!!. Һәм "Азатлык радиосы" бүген әнә шуларга мөритләрчә тугры хезмәт итә – ул да әнә шундый!!.


06.2012. "Азатлык радиосы" сайтында басылган "Электрон хөкүмәттә татар теле кысыла" мәкаләсенә карата:

Сайтлар татарча да иркен эшләсен өчен, аларга татарча да турыдан-туры язарга мөмкин булсын өчен, һәм ул язма русларга да аңлашылсын өчен – Татарча-Русча электрон Тәрҗемәче кулланырга кирәк!.. Ул http://www.tatarca-text.narod.ru сайтында – күчереп алыгыз... Ул Тәрҗемәченең төзелү тарихы һәм гомумән татар теле программалары белән булган проблемалар турында – http://www.tatarca-text.narod.ru/rus/tatarus_istoria.html – укыгыз, нәтиҗәләр ясагыз!.. (Анда да татар теленең бүгенге шаккаткыч, һәлакәтле хәле турында аз гына әйтелгән!)

Чаллының татарча хакимият сайты www.challi.ru 2004 елда ачылган иде (мин алып бардым), тик озакламый, 2006 елда мине законсыз рәвештә (бернинди тышкы сәбәпсез) эштән кудылар, сайт ташланды һәм бетерелде... Әле ачылганы да чын татарча, татарлар алып бара торган сайт түгел – нибары күз буяу өчен ясалган, өтек һәм надан дубляж булып тора... Чаллыда татар матбугатына (шул исәптән электрон матбугатка) карата аеруча ерткыч политика 1999 елдан бирле дәвам итә, – җитәкчеләргә "параллель матбугат" кирәкми чөнки – тагын аны да буып тоту өстәмә мәшәкать булыр иде!..

Азатлык радиосы – дөньякүләм татар эфиры: монда әйтелгән гаепләргә тиешле кешеләр җавап бирергә тиеш иде!.. (Татар халкының иҗтимагый фикерен хөрмәт итеп.) Җаваплы кешеләре исә – Чаллы ш. мэры В.Шәйхразиев, "Шәһри Чаллы" редакторы Рахман, Шафигуллин, Язучылар берлеге рәисе, "Мәйдан" журналы башлыгы Вахит Имамов, "Чаллы мәдәнияте-тарихы" өчен җаваплы Факил Сафин, Мансур Сафин, "матбугат хакиме Ф.Илаева һ.б.лар... – Болар татар халкына, татар дөньясына чит планета кебек карыйлар, болар чынлыкта безнең дошманнар!.. Боларны бәрергә кирәк, татар халкы яшәсен өчен!..


*** 08.2012. "Татарча мәктәп сайтларына конкурс" уңаеннан:

Татар укытучыларының сайтлары дигәне – шул укытучылардан ирекле-мәҗбүри ясатылган "методика" сайтлары булып тора, һәм аларда "үле канцелярия" исеннән башка берни дә юк диярлек.

"Белемле гаилә – нур чәчеп торган җәүһәр" дигән албасты фраза "татар интернеты"нда да бөтен эшнең русчадан калька тәрҗемәгә кайтып калуы турында сөйли.

Жюри составына кергән Разил Вәлиев белән Фирая Шәйхиева татар интернетына, электрон татар телена карата берни эшләмичә дә, турыдан-туры жуликлыклар белән дә бик күп зыяннар салдылар, мин бу турыда күп тапкырлар яздым инде (Корректор, Сүзлекләр, Тәрҗемәче һ.б. мәсьәләсендә). Алар урынына агач бүкән утыртсаң яхшырак булыр, ичмаса зыян булмас иде!..

"Татар интернетына" һәм "эл. татар теленә" бюджет чаралары шактый күп, дистәләрчә миллион сум бүленә, ә "шуның өстендә" ТР ФА һәм институтларда утырган "доцент-кандидат-академикларны" да санасаң бәлки миллиард та буладыр... Тик ул суммаларны, соң тиененә кадәр, формаль күз буяу сайтлары (Интертат, Татмедиа, Белем һ.б.ш.лар, сансыз күп "икетелле" дәүләт сайтларының "татарча өлешләре") ашап бетерә, аларда исә реаль татар теле юк дәрәҗәдә... (Русчадан өзек-төтек аксак-туксак тәрҗемәләр, башлаган да ташлаган, аларны укыр өчен нинди ахмак булырга кирәктер.)

Татар конгрессының региональ сайтлары белмим кайда татар телендәдер (белсәгез әйтегез), – әмма үзәк сайты да рус телендә (формаль-ташландык "тәрҗемәсе" дә бар бугай)...

Татарларда чын милли хәрәкәт юк, милли патриотизм тамырына кадәр корытылды (дини фанатизм белән алыштырылды), татар телендә укучылар бөтенләй бетеп бара, – шул сәбәпләр аркасында татарча сайтларга халыктан ("спонсорлардан") беркем дә берничек тә ярдәм итми!.. Бөтен татар мәдәнияте белән дә эшләр шулай тора, электроника шуның бер өлеше генә... Тулаем андый рефлекс юкка чыкты шикелле татарларның башларында!..


Мөслим мәктәбе сайты авторы Гөлназ Җәлиловага:

Ул "методика" сайтларыгыз өчен өстәмә түләргә тиешләр, сволочьлар!.. Түләмиләрмени?..

Күрсәтмә бирмичә үзегез ясасагыз, сез анда мәктәбегез тормышын, укытучыларыгызны, укучыларыгызны кешечә, альбом төслерәк итеп ясар идегез дип уйлыйм... Рәхәтләнеп иҗат итәр идегез, керүчеләр дә рәхәтләнеп укыр иде... "Методика" язамыни, юкса, тере кеше үз ирке белән?

...Сезнең ул сайтны күргән бар – начар түгел, сез шундый сирәк энтузиаст булгангадыр... Ләкин "укытучы" сайтлары әллә ничә дистә, һәм барысында да үле "методика" өстенлек итә, я гел шул гына... Һәм аларда "методика" язарга "методист" чиновниклар тираннарча мәҗбүр итәләр, укытучы сыртына мәгънәсез бурыч йөкләп!.. "Түгәрәк алып бару" категориясенә кертеп хак түләсеннәр ичмаса!..

30нчы елларда һәр колхоз бригадасы бодай түтәлләре ясап "селекция" үткәргән, һәр мәктәп "методика"лар ясап утырган... Соңра "селекция" бетте, ә "методика" әле дә "чәчәк ата"... Югыйсә бит чын Методиканы илнең иң югары фәнни педагогика институтлары эшләп чыгара!..


*** 05.2012 "Татнет йолдызлары" конкурсы һәм аның башлыгы Р.Гатауллин турында:

Раил Гатауллинның турыдан-туры гаебе белән Русча-Татарча электрон Тәрҗемәче "Татарча" рәсми танылмыйча һәм гамәлгә кертелмичә калды!.. Аның урынына ул "Дивар" дип аталган, "татар теле" акчаларын алу өчен жуликлар махсус әвәләгән алдавыч, куллануга яраксыз бер программага бөтен юлларны ачты!.. Калган бөтен гомерендә дә шуннан да зуррак (шуннан да корткыч) бүтән нәрсә эшли алмас!..

...Шулай ук аның (һәм университетның татар бүлеге) тарафыннан татар телендәге уникаль ике Уен программасы, татарча электрон Корректор һ.б.лар гамәлгә керттерелмәде... Кире дә кагылмады, мәгәр, – бу аталган программаларны алар эшләтеп карап бәяләү белән дә үзләрен мәшәкатьләмәделәр!.. Безнең мөрәҗәгать һәм тәкъдимнәрне просто җавапсыз калдырдылар!.

Җавап һәм аңлатма урынына исә ул мине (З.М.ны) судка бирү белән яный (анысын үзенең интернет форумына язган) – менә шушы "Азатлык" форумында элегрәк чыккан бер шушыңа охшашлы реплика буенча!.. – (Шундыйлар, чак бер нәрсә булса судка ябыша торганнар, анда тагы да байтак, әгәр мин йөз процент хаклы булмасам, әллә кайчан утыртып куйган булырлар иде инде... Хак булсам да тулы гарантия юк, әлбәттә, ләкин тиз генә өрекмибез, эшебез изге.)

...Татарча-Русча эл. Тәрҗемәче һ.б. хәзер http://tatarca-text.narod.ru сайтында, бушлай – алыгыз, куеп эшләтегез, кулланыгыз, чагыштырыгыз "аларныкы" белән!.. Тик Тәрҗемәчене һ.б. программаларны камилләштерү буенча эшләр, бернинди тәэминат булмау сәбәпле, туктатылды... Р.Г.ны һәм аның даирәсен шуның өчен үзләрен судка бирергә иде дә, – тик анысын да бернинди яклау һәм ярдәмсез генә эшләп булмый, үкенечкә каршы...


"Татар интернеты" тарихыннан бер күренеш...

Әгәр киләчәктә кемнәрдер татар интернетын тикшерә башласа, – кемнәр кем, дип?.. – Татар телендә татар хәрефләре белән язучыларның беренчесе Мордовиянең "Татар газетасы" булды... Ирек Биккинин бугай, ялгышмасам... Шуннан, татарча әдәби текстлар чыгаручы – www.tatarca-text.narod.ru (иң башта www.tatarca.boom.ru) булды – анысы без булабыз... Без 2002... һәм шуннан ары берничә ел дәвамында татар телен Интернетта бөтенләй булмау хурлыгыннан коткарып килдек!.. Башкаларны белмим, әмма мин үзем программалаштыру фәнендә бик зур белгеч түгел идем, – кармап табып эшләдем, – сез ахмакларга аңлатып булмый, нинди дә булса бер кнопка өчен ничәмә сәгатьләр "теория" укып утырганны... Шулай да без үз дигәнебезне эшләдек... Ләкин шунда килеп чыкты жуликлар – компьютер белгечләрен акчага яллап кына "кыйрата" башладылар, – аларда татарча текстлар да чагыштыргысыз күбрәк (тик сканировать итеп кенә ташлыйлар, шыр хаталарга элементар коррекция ясамыйча гына)... Тел программаларына да ябыштылар, Интернетта ук чыккан инструкцияләр буенча... Ә ул инструкцияләр "инглиз-француз", "поляк-урыс" кебек тугандаш телләр буенча иде, – һәм алар тупикка терәлеп, миллионнарча сүз-формаларны төрләндерергә керештеләр, йөзләрчә кешене акчага яллап... Ну, тупойлардан нәрсә көтәргә мөмкин?!.

Татар һәм төрки телләр өчен безнең тарафтан ачылган фәнни-математик алгоритмнар, әлбәттә, күрелмичә калды, гәрчә без шулар ярдәмендә "электрон татар телен" эшләп чыгаруга ирешсәк тә...

Минем әллә күпме "даһи" татарларга төртеп күрсәтеп караганым бар ул программаларны (экранда ничек күренгәнен генә, эченә кермичә) – кәҗә тәкәсе күбрәк аңлар иде мәгәр, ичмаса сакалын селкетер иде!.."Мин сине яратам" дигән темага очсыз-кырыйсыз әсәрләр язалар (үзләре беркемне дә бервакытта да яратмыйлар), – ә "интеллектуаль караш" дигән төшенчә аларның рефлекслар җыелмасында юк!..


КХТИдагы астыртын "Җәһәт" конторы турында:

Берәр чын бәйсез журналист юк микән Казанда, – аның өченгә нинди "дан" тема аунап ята бит: КХТИга (КАИга) барып шундагы "Җәһәт" оешмасын тикшерсен иде: кайсы факультетның кайсы кафедрасына теркәлгән ул (физика-математикадан башласын), нинди эшләре бар, штатында кемнәр утыра һәм конкрет нәрсә белән шөгыльләнә (башкарып чыккан эшләрен һәм төп фазифа урыннарын күрсәтеп); нишләп ул оешманы КХТИның киң күләмле-тармаклы сайтыннан берничек тә табып булмый; нишләп КХТИның фәнни-гамәли еллык хисапларында ул "Җәһәт" ("Jahat-lab") бер дә телгә алынмый?, һәм башкалар... (Минем аларга минем иҗади хезмәтләрдән законсыз файдаланган өчен юридик дәгъвалар да бар, – җиңеп чыгып акчасын алган очракта өлеш чыгарырга да бик ихтимал...)


08.2012. "Азатлык" сайтын" томалыйлар" дигән паникага һәм Рөстәм Хәйруллинның "хакер киңәшләренә" карата:

Законда "тишек" тапсаң, теләсә нинди пычраклык та җинаять булмыймыни, сезнеңчә?..

...Порнография, наркомания, суицид һ.б.ш. пропагандалауга без каршы, әлбәттә!.. Ә син шундый сайтларга "ватып керү" инструкциясе бирәсең, "Азатлык" шуны рәхәтләнеп чыгарта, искәртүдән соң да алып атмый!..

...Син күздә тоткан "милли" сайтларны судсыз ябу яңа законда юк, ләкин суд белән яптыру инде күптәннән бар!.. "Уян, татар" сайтын ябалар ди әнә – Мирзаяновларның, Бәйрәмоваларның җенле коткыларын таратып яткан өчен "баштан сыйпамасалар", һәм безнең дә каршы әйтер сүз юк, ким дигәндә!.. Ә сез нәрсә дип беләсез – дошман есть дошман, мин үзем дә күптәннән шуны күрсәтергә тырышам татар халкына! Чөнки алар куштырнаксыз гына милли түгел, ә милләт корткычлары!!. Чын милли сайтларның берсен мин үзем алып барам, һәм иманым камил – аны яптыра башласалар, тегеләр шатлыкларыннан тилерәчәк!..
...Ә сиңа килгәндә, – безнең яшькә җитәрәк, без күргәнне күрәрәк, бәлки син дә бөтенләй бүтәнчә булырсың...


08.2012. "Уян, татар!" сайты судка бирелү һәм шул уңайдан "Азатлык сайтында"гы "яклашу"га карата:

Монда кереп "кысылмаска" теләгән идем – ләкин карагыз әле – көнүзәк теманы, күп кенә милли җанлы кешеләрнең язмыш мәсьәләсен монда Ураллы, Мирзаянов, Кадерле кебекләр "татармы-башкортмы" темасына бук чәйнәүгә авыштырып куйганнар!!. – Беләбез бу алымны, күптәннән таныш!!. – Менә шундыйдан күрергә өйрәнегез сез, җәмәгать, үзегез гадәттә "органнар, агентлар һ.б.ш." дип атый торган бәндәләрнең чын-реаль эшчәнлеген!.. Мин үзем "Татар, уян" гәзите-сайты яклы түгел, чөнки алар минем кебек чын татар зыялыларына дошманлыкта булдылар, – ләкин принципта аларның да менә шушындый пычрак алымнар астында тапталуына күңел әрни!..

...Мирзаяновны бастырып башларына бәлә алдылар, – ә шул ук Мирзаянов монда ниндидер "гыйльми" темага бук чәйни, мәсәлән!.. Мәгәр "үз кешеләренә", америка миллионеры буларак, яхшы адвокат һәм хокук саклаучылар ялламый!..

...Айдар Хәлимне Америкага чакырып кунак иткән иде, әйе (әле күпме кесәсенә тыгып җибәргәндер, тегесе үтен сыгып сорамый калмагандыр), – андый шомбайларга анда акча бар, юньлегә бармак арасыннан бер цент сыгылмаса да!...

 

ТӨРЛЕЛӘР...

I Һәм башка... I

*** 09.2012. Бер "җен суккан" форумчыга:

..."Органнар" ягъни полиция белән бурлар, җинаятьчеләр, жуликлар якын аралашсын (шуларның "милләтче" дигән битлек киючеләре дә) – ә бездән ерак торсалар яхшы... "Унеси эту чашу, боже, мимо", урысча әйткәндә...

...Ә сезнең кебекләр белән мин биолог буларак бик кызыксынам... Баш миләренең төзелеше белән, шартлы һәм шартсыз рефлекслары белән, башларында яралган уйлар һәм телләре яисә кулларындагы каләм арасындагы нерв җепселләре белән... Туры гына түгел бит инде (без беркатлылардагы сыман), ике арада шулай ук ниндидер акыл галәмәте ята... (Юкса ничек бай һәм шөһрәтле булып китәрләр иде шундыйларның күпләре?..)


...Тагы да булыр, кергәләп торыгыз...